Dua Lipa gati për ‘Studio 2054’, ndan pamje nga provat e fundit para shfaqjes

Performanca e këngëtares Dua Lipa, Studio 2054 do të transmetohet ‘live’ dhe ‘online’ edhe në Kosovë këtë të premte, më 27 nëntor 2020, me fillim prej ora 21:30, në LIVENow.

Siç ka theksuar artistja shqiptare, mysafirë të spektaklit do të jenë edhe yjet e mëdhenj të muzikës botërore si: Kylie Miogue, Miley Cyrus, J Balvin dhe shumë emra të tjerë.

Ndërsa ka mbetur vetëm një ditë nga ky eveniment, 25 vjeçarja tregon se është çdo gjë gati, pasi ka ndarë disa imazhe nga provat e fundit.

Ajo shfaqet e mrekullueshme në pozat që ka ndarë në Instagram, ku njëherësh është e shoqëruar nga një sërë valltarësh.

“Shumë afër”, ka shkruar ajo.

Lidhur me këtë, Sunny Hill Festival dhe platforma ekskluzive e biletave dhe promovimit të Studio 2054, Festtix, kanë njoftuar se do t’i shpërblejë të gjithë pjesëmarrësit e edicioneve të kaluara të festivalit me 50% zbritje në biletën e Studio 2054. /Telegrafi/