Bayerni i bashkohet garës për transferimin e futbollistit nga Seria A

Arkadiusz Milik i ka ditët e numëruara si futbollist i Napolit, pasi është futur në gjashtë muajt e kontratës.

Sulmuesi polak nuk ka pranuar rinovimin e kontratës dhe është i lirë të nënshkruajë qysh tani para kontratë me ndonjë klub tjetër, në mënyrë që t’i bashkohet si futbollist i lirë në qershor.

Nga ana tjetër Napoli po synon që të gjejë ndonjë blerës në janar, pasi dëshiron që të fitojë 15 milionë euro nga shitja e tij.

Së fundmi garës për transferimin e Milik i është futur edhe gjiganti gjerman Bayern Munich.