Rina Balaj zbulon datën e lansimit të projektit “Zjarr”

Këngëtarja e njohur shqiptare, Rina Balaj, është ndër të uniket në estradën shqiptare.

Kjo vjen, pasi ajo gjatë karrierës së saj ka arritur të eksperimentojë me zhanre muzikore, e që rezultuan mjaft të pëlqyera.

Në një postim të fundit në rrjetin social Instagram, Rina ka bërë të ditur datën e lansimit të këngës së re.

“Zjarr” mban titullin prodhimtaria muzikore, që do të publikohet në platformat digjitale me 20 nëntor, rreth orës 21:00.

Ajo përndryshe që një kohë të gjatë ka bërë paralajmërime se diçka e re do t’u servohet fansave të saj.

Po ashtu, në disa video të ndara, bukuroshja shqiptare ka zbuluar edhe disa sekuenca nga projekti i ri. /Telegrafi/

(Foto: Instagram)