Ndërron jetë këngëtari dhe kitaristi i “The Sadies”, Dallas Good

Dallas Good, këngëtari dhe kitaristi i rok grupit kanadez, “The Sadies”, vdiq në fillim të kësaj jave.

Ai ishte 48 vjeç dhe ndërroi jetë ndërsa ishte nën kujdesin e mjekut për një sëmundje koronare.

Good ishte djali i Bruce Good i grupit “The Good Brothers”, një grup fitues i çmimit Juno që u fut në Sallën e Famës të Muzikës Kanadeze në 2004.

Në vitin 1994, Dallas dhe Brothe Travis bashkëthemeluan “The Sadies”, duke publikuar albumin e tyre të parë, “Precious Moments”, në 1998.

Grupi mori hov të madh në fillim të viteve 2000 dhe bëri disa albume përfshirë, “Darker Circles”.

“The Sadies” patën bashkëpunime me Neko Case, Neil Young, Mekons, Kurt Vile, Buffy Sainte-Marie dhe artistë të tjerë. Në janar publikuan një këngë solo “Message to Belial”, prodhuar nga Richard Reed Parry.

Muzikantët Travis Good dhe Dallas Good (Foto: Getty Images)

“Jemi thellësisht të pikëlluar për vdekjen e papritur të mikut tonë të dashur, Dallas Good, të Sadies. Ai vdiq të enjten, më 17 shkurt për shkaqe natyrale, ndërsa ishte nën kujdesin e mjekut për një sëmundje koronare të zbuluar në fillim të kësaj jave. Ai ishte 48 vjeç”, thuhet në njoftimin e grupit.

“Jam mirënjohës për ty, Dallas, për kaq shumë shfaqje të shkëlqyera, muzikë dhe kohë të mira. Nuk do të ndalemi kurrë së dëgjuari”, thuhet më tej. /Telegrafi/

Dallas Good (Foto: Scott Dudelson/Getty Images)