Scarface pyet për vullnetarë që dhurojnë veshkën, pas dëmtimeve që pati nga COVID-19

Reperi i njohur, Scarface, është duke u përballur me probleme të shumta shëndetësore, pas infektimit me COVID-19.

Duket se 49-vjeçari për shkak të dëmtimeve, ka nevojë për vullnetarë të cilët mund t’ia dhurojnë veshkë, shkruan Daily Mail.

Gjatë ditës së mërkurë, reperi përmes një postimi në rrjetin social Twitter, ka pyetur nëse do të ketë ndonjë dhurues.

“Më duhet një vullnetarë që dhuron veshkën. Grupi i gjakut, B+”, ka shkruar ai në postim.

Vetëm dy ditë më pas, Scarface bëri të ditur se ka gjetur personin potencial, i cili i ka mundësuar transplantin.

“Kam filluar procesit për transplantin e veshkës. E vlerësoj dashurinë tuaj”, u shpreh reperi.

Që kur u infektua me virusin vdekjeprurës, ai ka folur publikisht për pasojat që i ka lënë coronavirus, ndërsa ka bërë thirrje që fansat të kujdesen për veten. /Telegrafi/