Rosie Huntington-Whiteley mahnit me fustanin e zi nga Gucci, detaji në pjesën e pasme tërhoqi gjithë vëmendjen

Modelja britanike, Rosie Huntington-Whiteley, ishte ndër emrat që morën vëmendje në edicionin e 15-të të “LACMA Art+Film Gala” në Los Angeles, ku u shfaq me një fustan elegant të zi nga marka Gucci, i cili fshihte një detaj mjaft të guximshëm në pjesën e pasme.

Fustani kishte jakë skulpturore, mëngë të gjata dhe një siluetë të ngushtë deri në fund, ndërsa pjesa e shpinës ishte pothuajse tërësisht e hapur.

Dy anët e tij bashkoheshin vetëm përmes një zbukurimi të spikatur në ngjyrë argjendi, të vendosur në pjesën e të pasmeve.

Rosie

Një e çarë e lartë i jepte edhe më shumë veçanti paraqitjes.

Kreacioni ishte i mbuluar me temina në ngjyrë të gjelbër të errët, të cilat shkëlqenin në dritën e reflektorëve.

Modelja e kompletoi veshjen me vathë me diamante dhe smeralde, flokë të mbledhur bisht dhe këpucë të zeza me majë.

Rosie pozoi para instalacionit të njohur artistik “Urban Light” të Chris Burden, i cili shërbeu si sfond për fotografitë e të ftuarve në tapetin e kuq.

Rosie

Mbrëmja shënoi 15-vjetorin e kësaj ceremonie, e cila synon të mbështesë Muzeun e Artit të Qarkut të Los Angelesit dhe zgjerimin e programit të tij filmik.

Këtë vit, nderimet iu kushtuan piktore­s Vija Celmins dhe regjisorit Denis Villeneuve, teksa performancën muzikore e solli Rose nga grupi Blackpink.

Mbrëmjen e prezantuan Leonardo DiCaprio dhe Eva Chow. /Telegrafi/