Një fenomen i rrallë do të jetë i dukshëm nga Toka – Alsat

Këtë javë, adhuruesit e astronomisë do të mund të shohin një fenomen të rrallë në qiell në të cilin rolin kryesor do ta luajnë deri në pesë planetë.

Gjegjësisht, Mërkuri, Jupiteri, Venusi, Urani dhe Marsi do të jenë të dukshëm nga këndvështrimi i Tokës si të rreshtuar në mënyrë të përkryer në një rregullim të pazakontë që ndodh vetëm në raste shumë të rralla.

“Këtë herë ju mund të admironi spektaklin në qiell edhe me sy të lirë falë pozicionit të Diellit, i cili do të ndriçojë trupat qiellorë, veçanërisht të martën në mbrëmje”, thanë shkencëtarët.

Astrofizikani italian Gianluca Massi shpjegoi për mediat në këtë vend veçantinë e këtij fenomeni.

“Do të na lejojë të admirojmë Jupiterin, Venusin dhe Marsin, planetë përgjithësisht të dukshëm, të bashkuar nga Urani. “Saturni dhe Neptuni, të vetmit që mungojnë në ‘paradën qiellore’, mund të jenë të dukshëm gjatë agimit të së martës, por jo në një orar të koordinuar në krahasim me të tjerët”, thotë ai.

Astronomi i NASA-s Bill Cook shpjegoi se planetët në këtë aranzhim do të shihen më së miri të martën, menjëherë pas perëndimit të diellit.

“Rreshtimi i pesë planetëve do të jetë i dukshëm nga kudo në Tokë, për sa kohë që ju keni një qiell të pastër dhe një pamje nga perëndimi. Kjo është bukuria e këtyre shtrirjeve planetare. Nuk na duhen shumë për këtë. Nëse dëshironi të shihni planetët, do të keni një mundësi të rrallë për të parë Uranin i cili normalisht nuk është i dukshëm. Vini re shkëlqimin e saj të gjelbër pikërisht mbi Venusin”, tha astronomi.