Lyrical Son kujton i emocionuar luftën në Kosovë: Për ne ushtarët e UÇK-së ishin superheronj!

Reperi i njohur shqiptar, Lyrical Son, ka qenë së fundmi i ftuar në emisionin “Ftesë në 5”, së bashku me deputeten Duda Balje dhe këngëtaren Eliza Hoxha.

Ata kanë diskutuar për zhvillimet e fundit në Kosovë, përfshirë këto arrestimet e krerëve të lartë politikë nga Gjykata Speciale.

Reperi i labelit PINT e ka komentuar këtë situatë si tejet të pafavorshme për Kosovën, ndërsa ka kujtuar periudhën e luftës dhe faktin se si ndjeheshin të sigurte me praninë e UÇK-së.

“Në thjesht donim të shkolloheshim, të shihnim policë që flisnin shqip, donim jetë në shtetin tonë”, u shpreh ai gjatë intervistës në “Ftesë në 5”.

Tutje, Lyrical Son u shpreh se historia sipas tij është e shkruar në tri inicialet e Ushtrisë Çlirimtare të Kosovës.

“Për tri shkronja të arta, UÇK, ka qenë diçka për ne si ata filmat me Superman. I kemi parë si heronj, si shpëtimtarë…”, ka thënë më tej rap-artisti.

Përndryshe, Lyrical Son është vetëm një nga të paktët figura publike nga fusha e artit që ka reaguar në lidhje me aktakuzat e Gjykatës Speciale ndaj emrave të njohur të UÇK-së si: Hashim Thaçi, Kadri Veseli, Jakup Krasniqi ,Rexhep Selimi etj. /Telegrafi/