Sekretari amerikan i Shtetit, Antony Blinken ka deklaruar se nëse marrëveshja mes Kosovës dhe Serbisë zbatohet, kjo do t’i shtyjë drejt njohjes së Kosovës pesë vendet e Bashkimit Evropian që s’e kanë njohur atë. Këto komente ai i bëri duke iu përgjigjur pyetjes së senatores demokrate, Jeanne Shaheen, e cila e ka pyetur Blinkenin se a po e diskuton çështjen e njohjes së Kosovës me pesë vendet e BE-së që nuk e kanë njohur atë.
“Është shumë një çështje që ngrihej dhe vazhdon të diskutohet. Por unë gjithashtu mendoj se kjo marrëveshje përsëri, në fakt na vendos në një rrugë drejt njohjes nga këto vende. Tani vetë Serbia, kjo mund të jetë një çështje tjetër për ca kohë, por nëse ata arrijnë në një marrëdhënie të normalizuar, unë mendoj se do të ketë efekte shumë pozitive vetëm në ndërveprimet e përditshme dhe mendoj se përfundimisht do të arrijë atje. Por, sa i përket pesë vendet e mbetura, fakti që të dyja vendet tani kanë arritur këtë marrëveshje dhe duke supozuar se do ta zbatojnë atë, mendoj se do t’i shtyjë ata drejt njohjes”, tha Antony Blinken, Sekretar Amerikan i Shtetit.
“Jam dakord, sigurisht që mendoj se ndihmon, dhe mendoj se është vërtet e rëndësishme që njerëzit si në Kosovë ashtu edhe në Serbi të shohin ndonjë përfitim në jetën e tyre personale nga një marrëveshje e tillë që redukton tensionet. Dhe shpresojmë që të dy vendet të lëvizin drejt anëtarësimit në BE”, deklaroi Janne Shaheen, Senatore. /Alsat.mk
