Alexandra Burke ndahet nga futbollisti Angus MacDonald pas 15 muajsh njohje së bashku

Alexandra Burke është ndarë nga futbollisti Angus MacDonald pas 15 muajsh lidhje së bashku, sipas MailOnline.

Ylli i “West End”, 32 vjeçare, ka fshirë të gjitha postimet me mbrojtësin e Hull City, 28 vjeçar, nga Instagram, përfshirë imazhet e çiftit që gëzojnë ditëlindjet dhe pushimet së bashku.

Një burim pranë tyre konfirmoi për MailOnline se Alexandra dhe Angus janë ‘ndarë në mënyrë paqësore’ dhe kanë mbetur ‘miq të mirë’ pavarësisht se kanë vazhduar rrugët e tyre larg njëri-tjetrit.

Një burim shtoi: “Alexandra dhe Angus të dy kanë karrierë të zënë dhe ka qenë e vështirë të shihen me njëri-tjetrin gjatë izolimit”.

“Ndihej si vendimi më i mirë për ata që të shkëputnin lidhjen dhe për Alexandra, e cila hoqi fotografitë e përbashkëta nga Instagrami i saj”.

Burke ndërkohë zyrtarizoi romancën me Angus në korrik të vitit 2019.

Fituesja e “X Factor” filloi takimet me sportistin menjëherë pas ndarjes nga Josh Ginnelly.

Alexandra Burke dhe Angus MacDonald (Foto: Instagram)

Artistja angleze e ka përkrahur vazhdimisht futbollistin, gjatë gjithë diagnozës së tij të kancerit të zorrëve, i cili konfirmoi sëmundjen në gusht të vitit 2019. /Telegrafi/

Alexandra Burke dhe Angus MacDonald (Foto: Backgrid)