Vandalët në Australi kanë shkatërruar vizatimet e shpellave 30,000-vjeçare – Alsat

Në pjesën e sheshtë dhe të thatë të Australisë Jugore, Shpella Conalda është shtëpia e veprave të artit rreth 30,000 vjet të vjetra. Shpella është e mbrojtur, por pjesa e brendshme e saj tani është e vandalizuar me mbishkrime. Ajo ka goditur rëndë komunitetin indigjen të Mirningut ndërsa autoritetet kërkojnë për fajtorët.

“Në fillim të këtij viti u zbulua se kishte ndërhyrje të paligjshme në shpellë dhe disa nga vizatimet delikate u vandalizuan, me dëmtime mbi to,” tha ministri dhe avokati aborigjen Kiam Maher.

Vandalizmi është tronditës, sepse shpella ka një rëndësi të madhe për njerëzit. Është një shpellë që përmban gjurmë se aborigjenët kanë jetuar në atë pjesë të vendit mijëra vjet më parë.

Qeveria e shtetit të Australisë Jugore po shqyrton tani opsionin e instalimit të kamerave të sigurisë dhe po konsultohet me një udhëheqës indigjen për të mbrojtur më mirë vendin.

Incidenti zemëroi aborigjenët, të cilët theksuan se kërkesat e tyre të mëparshme për siguri më të madhe nuk ishin marrë parasysh. Si vend i shenjtë, shpella është e mbyllur për publikun dhe vetëm disa anëtarë të lartë të komunitetit kanë akses, thuhet në reagimin e tyre.

Ata kanë kërkuar mbështetje që nga viti 2018, por deri më tani nuk ka ndodhur. Ata thonë se shpella jo vetëm që i lidh me paraardhësit e tyre, por është më shumë se një vepër e çmuar arti sepse është thellë në identitetin e tyre.