Connect with us
Pas një viti tensionesh mes Greqisë dhe Turqisë, aleatët e NATO-s fillojnë bisedimet informuese në Stamboll të hënën për divergjencat e vjetra në Detin Egje. Pas...
Dhoma e Përfaqësuesve e Shteteve të Bashkuara paraqet të hënën zyrtarisht akuzën ndaj ish-presidentit Donald Trump për nxitje rebelimi gjatë fjalimit para përkrahësve të tij në 6 janat, përpara sulmit në Kapitol. Nëntë anëtarë demokratë të Dhomës së Përfaqësuesve, që do të shërbejnë si prokurorë, do të kalojnë të hënën në mbrëmje përmes ndërtesës ku qindra mbështetës të zotit Trump u përplasën me policinë, duke lënë pesë të vdekur, për të dorëzuar akuzën në Senat, ku do të zhvillohet gjyqi ndaj ish-presidentit. Një ritual i ngjashëm u krye për gjyqin e parë ndaj zotit Trump janarin e kaluar. Ai është i vetmi president i Shteteve të Bashkuara i akuzuar dy herë për t’u shkarkuar nga detyra dhe i pari që do të përballet me gjyqin, pas largimit nga detyra. Nëse Senati e shpall fajtor, kjo mund të rezultojë në një votë për t’i ndaluar atij mbajtjen e një posti zyrtar në të ardhmen. Udhëheqësit e Senatit, që është i ndarë 50-50 mes dy partive, po ku demokratët sigurojnë shumicën falë votës së nënpresidentes Kamala Harris, kanë rënë dakord të mos fillojnë gjyqin deri më 9 shkurt. Kjo i jep ish-presidentit Trump më shumë kohë për të përgatitur mbrojtjen dhe i jep mundësi Senatit të përqendrohet në konfirmimet e anëtarëve të Kabinetit. Pas një fushate dy-mujore pretendimesh pa prova se kishte fituar në zgjedhje, zoti Trump më 6 janar u bëri thirrje përkrahësve të tij të “luftonin” për të përmbysur rezultatin. Më pas një turmë shkoi në Kapitol, duke detyruar ligjvënësit të ndërprisnin senacën, të fshiheshin në mjedise të sigurta dhe të shtynin për disa orë çertifikimin e fitores së zotit Biden. Dhjetë anëtarë republikanët të Dhomës së Përfaqësuesve u bashkuan me Demokratët në votimin për ta akuzuar zotin Trump. Demokratët e Senatit do të kenë nevojë për mbështetjen e 17 Republikanëve për ta dënuar atë, një objektiv i vështirë për t’u realizuar, duke pasur parasysh popullaritetin e vazhdueshëm të zotit Trump me votuesit republikanë. Sipas një sondazhi të agjencisë Reuters / Ipsos të premten 51% e amerikanëve mendojnë se Senati duhet ta shpallë fajtor ish-presidentin Trump. Kjo ndarje përputhet me përkatësinë partiake të të anketuarve, nga të cilët më pak se dy ndër 10 republikanë që bien dakord me këtë pohim. Republikanë të shumtë, përfshirë udhëheqësin e tyre në Senat, Mitch McConnell, e kanë dënuar dhunën dhe e kanë kritikuar zotin Trump për nxitjen e saj.
Përfundoi debati për zgjedhjen e Naser Ziberit për Avokat të Popullit. Votimi për të njëjtin është paraparë për në orën 20. Paraprakisht koordinatori i grupit parlamentar...
Oda e Afarizmit të Kosovës përmes një shkrese njofton se i është drejtuar Ministrit të Punëve të Brendshme duke shprehur shqetësim për mos furnizimin e makinave,...
Të premten e kaluar, lajmi arriti te BE: AstraZeneca do të furnizojë BE në tremujorin e parë me shumë më pak vaksina nga sa kishte premtuar...
Zyrtarët afganë thanë se një automjet që transportonte punonjës afganë të Ambasadës italiane në Kabul, është sulmuar me bombë. Zyrtarët e policisë i thanë Radios Evropa...
Koordinatori i grupit parlamentar të BDI-së, Izet Mexhiti kërcënon me interpelancë bashkëpartiakun e tij zv.kryeministrin Artan Grubin, nëse ky i fundit nuk mban premtimet dhe nuk...
Maturantët vazhdojnë bojkotin e mësimit. Thonë se pavarësisht presioneve të shumta, bojkoti nuk do të ndërpritet. Nga Unioni i Nxënësve të Shkollave të Mesme thanë se...
Ndihma shtetërore për pagë prej 14,500 denarëve për punonjësit ka gjasa që të mos përdoret nga të gjitha kompanitëë. Jozyrtarisht, Alsat ka mësuar se masa do...
Ministria e Shëndetësisë (MSH) informoi se në 24 orët e fundit janë kryer 677 teste, ndërsa janë regjistruar 63 raste të reja me virusin korona, 573...
