Connect with us

Business

Zv.ministri i Financave paralajmëron ulje të pagave në sektorin publik

Published

on

Zëvendësministri i Financave, Agim Krasniqi ka paralajmëruar uljen e pagave në sektorin publik.

Krasniqi ka thënë se për të shpëtuar sektorin privat në Kosovë, ai ka një ide tjetër, që nuk përjashton mundësinë e uljes së pagave në sektorin publik.

Ai ka thënë se Qeveria duhet të vendosin nëse duhet t’i zvogëlojnë subvencionet, grantet në bujqësi apo pagat në sektorin publik, prandaj sipas tij nuk përjashtohen asnjë mundësi që të ketë zvogëlime/ulje në këto sektorë.

“Ne duhet tash të vendosim a duhet t’i zvogëlojmë shpenzimet në investime, a duhet t’i zvogëlojmë shpenzimet në subvencione e që nuk ka mundësi se janë të gjitha obligime ligjore. A duhet t’i zvogëlojmë subvencionet dhe grantet në bujqësi, a duhet t’i zvogëlojmë investimet publike apo duhet t’i zvogëlojmë edhe pagat. Prandaj, në këto raporte nuk përjashtohet asnjë mundësi, po them edhe pagat, për arsye që në rast se i zvogëlojmë investimet ne do ta zvogëlojmë mundësinë e rritjes ekonomike, e që kjo ndikon komplet edhe në sektorin privat. Unë po e mirëkuptoj nga një herë edhe sektorin privat kur thonë se ju sektori publik nuk jeni prek prej pandemisë, sepse kanë të drejtë. Prandaj, është mirë më shpejt të intervenohet”, ka thënë Krasniqi.

Krasniqi tha po ashtu se për vendimin e fundit të Qeverisë për ndarjen e 87 milionë eurove për rimëkëmbje ekonomike, se javën tjetër nis ekzekutimi i mjeteve për bizneset private në shumën prej 60 milionë euro dhe 12 milionë euro për bujqësi.

Alsat

Click to comment

Leave a Reply

Your email address will not be published. Required fields are marked *

Business

AKB-ja: Qytetarët e Kosovës shpenzuan 10 milionë euro gjatë fundjavës në Shqipëri

Published

on

Aleanca Kosovare e Bizneseve ka bërë të ditur se në nga një hulumtim që ka kryer nga data 9-12 prill, 30 mijë kosovarë e kanë lëshuar vendin dhe kanë shkuar në Shqipëri, të cilët shpenzuar rreth 100 euro në ditë.

Kryetari i AKB-së, Agim Shahini, tha se në Shqipëri për gjatë vikendit kosovarët shpenzuan 10 milionë euro në Shqipëri.

Shahini ka thënë se AKB ka realizuar studim nga data 9 deri me 12 prill sesa qytetarë kaluan vikendin në Shqipëri pasi që masat janë në fuqi.

“Për këto 4 ditë Kosovën e kanë lëshuar 30 mijë qytetarë biznesmen, politikan, sportistë, zyrtarë shtetëror që kaluan në Durrës, Tiranë duke shpenzuar rreth 100 euro në ditë ku përfshirë akomodimin, pijet, transporti, taksa rrugore. Por këto do të jenë shumë më larta sepse në këto vizita relakusese nuk kursehet”.

“AKB ka vlerësuar se kosovaret shpenzuan 10 milion euro për vikend në Shqipëri pasi qeveria mbylli qendrat tregtare, hotelet dhe kafiteritë. 90% i shpenzojnë gjithë kapitalin kur kosovarët dalin jashtë. Vetëm 5 % e vizitorëve nga Shqipëria kthehen dhe vizitojnë Kosovën kundrejt atyre që shkojnë nga Kosova. Në këtë vikend nuk ka pasur vizitorë në Kosovë për shkak të masave”, tha ai.

Shahini ka rekomanduar Qeverisë që pas datës 18 prill të lejohet puna e plotë e bizneseve

“Prandaj AKB rekomandon qeverinë që sa më shpejt pas datës 18 të kthejë jetën në normalitet duke zbatuar masa për kontroll, por jo masa rigoroze. AKB është e shqetësua për përkeqësimin ekonomik në vend dhe është duke u thelluar. Ai bëri thirrje institucioneve për të siguruar vaksinën”, tha Shahini.

Alsat

Continue Reading

Business

Rritje rekorde e vlerës së Bitcoin

Published

on

Bitcoin ka arritur një rekord të ri mbi 62 700 dollarë ndërsa investitorët po përgatiten për listën e drejtpërdrejtë të shkëmbimit të monedhave kripto “Coinbase Global”.

Çmimi i Bitcoin është më shumë se dyfishuar këtë vit dhe përfaqëson pak më shumë se gjysmën e vlerës së përgjithshme të tregut të kriptovalutave prej gati 2.1 trilionë dollarësh. Kjo është vetëm pak më pak se vlera e tregut të aksioneve të Apple (AAPL).

Të martën, çmimet e Bitcoin u rritën deri në 4.7% në një rritje të lartë të të gjitha kohërave duke shkuar në mbi 62,700 dollarë. Monedha kaloi 60 000 dollarë në fillim të marsit.

Edhe korporatat e mëdha po përqafojnë Bitcoin. Tesla e Elon Musk (TSLA) ka vendosur të investojë disa prej parave të saj të korporatave në Bitcoin dhe ta pranojë atë për disa blerje makinash. Firma e programeve kompjuterike MicroStrategy (MSTR) njoftoi të hënën se do të fillojë të paguajë tarifa për drejtorët e bordit të kompanisë të cilët nuk janë punonjës në Bitcoin në vend të parave të gatshme.

Aksionet e Silvergate Capital (SI), një bankë që specializohet në kredi dhe depozita të mbështetura nga kripto, janë më shumë se dyfishuar këtë vit.

Alsat

Continue Reading

Business

Bie përqindja e turistëve për muajin shkurt

Published

on

Numri i turistëve për muajin shkuar ka shënuar rënie prej 41.7 për qind, ndërsa numri i qëndrimeve në hotele ka rënë me 36.8 për qind, krahasuar me të njëjtin muaj gjatë vitit të kaluar. Sipas të dhënave nga Enti Shtetëror i Statistikave, në shkurt vendi ka regjistruar 27,569 turistë ndërsa janë realizuar 60,013 akomodime.

 

Alsat

Continue Reading

Trending