Connect with us

Maqedoni

Zgjedhjet lokale, dilema për modelin e ardhshëm zgjedhor

Published

on


Propozimi i VMRO-DPMNE-së opozitare për një rreth zgjedhor në zgjedhjet e ardhshme lokale hap dilema të reja. Partia e Mickoskit nuk u përgjigj në pyetjen e Alsat nëse ndër modelet që për to mund të jetë i pranueshëm, është ai i zgjedhjes së kryetarit të komunës, jo me zgjedhje të drejtpërdrejta, por nëpërmjet këshillit komunal. LSDM-ja thotë se vetëm një rreth zgjedhor në lokale dëmton demokracinë në rastet kur kryetarët e komunave do të duhet të zgjedhen me më pak se 50% të votave. Mundësinë evantuale që kryetarin e komunës ta zgjedhjë këshilli, nuk e kanë shqyrtuar.

Sigurisht kjo është çështje që nuk është shqyrtuar akoma. Kur të kemi qëndrim përfundimtar, si parti, sigurisht edhe si shumicë në Kuvend do ta themi qëndrimin tonë. E re në zgjedhjet lokale janë listat e hapura si një hap më shumë drejt demokratizimit të zgjedhjeve lokale gjë që shpresoj me kalimin e kohës do të bartet edhe të zbatohet edhe të zgjedhjet parlamentare – deklaroi Kostadin Kostadinov, LSDM.

Përgjigje nuk kanë as nga BDI-ja. Sipas opozitës shqiptare, ndryshime të tjera rreth mënyrës së zgjedhjeve lokale janë më me prioritet.

Ne jemi shumë të interesuar të ketë ndryshim të Kodit zgjedhor duke përfshirë fillimisht pastrimin e listave zgjedhore pasi kemi mjaft votues fiktiv dhe kjo peshë më shumë bie mbi votuesin shqiptar. Sa i takon modelit zgjedhor, ne mendojmë që ai parlamentar të jetë me lista të hapura, në zgjedhjet lokale po ashtu me lista të hapura. Nuk e kemi menduar opsionin për ta zgjedhur këshilli kryetarin e Komunës por momentin që do të bisedohet ndërmjet dy partive politike (të koalicionit) do të japim edhe qëndrim -u shpreh Skender Rexhepi, ASH – AAA.

Qytetarët aktualisht zgjedhin kryetarët e komunave nëpërmjet zgjedhjeve të drejtpërdrejta ku po ashtu votojnë për këshilltarët komunal. Në rast se ky model ndryshohet, kërkohet vetëm ndryshim i Kodit zgjedhor i cili gjithmonë definohet me konsensus mes partive politike.

Fatlume Dervishi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending