Connect with us

Maqedoni

Zeqiri: Karantina e re eventuale, goditje serioze për ekonominë

Published

on


Masa të reja kufizuese si mbyllja e ekonomisë për shkak të rritjes së numrit të të infektuarve do të nënkuptojë kolaps për një numër të madh të ndërmarrjeve. Sipas akademikut Izet Zeqiri, sektori privat nuk mund të mbijetojë një periudhë tjetër karantine. Sipas tij, është e nevojshme të shtohen kontrollet e inspektimit në objektet hotelierike, dhe në të gjitha vendet e tjera ku lëvizin të rinjtë. Inspektoratit të tregut duhet t’i japin mbështetje edhe inspektoratet e tjera.

Në asnjë rast nuk duhet të mendojmë për mbylljen e sektorëve siç ishte në fillim të pandemisë, thotë profesori universitar Marjan Petrevski. Ai beson se qytetarët në një farë mënyre tashmë kanë mësuar të jetojnë me virusin dhe në pjesën më të madhe i respektojnë protokollet shëndetësore.

“Nuk pres që të kemi mbyllje me të madhe siç e pamë në tremujorin e dytë, kjo absolutisht nuk është e dëshirueshme, do të thosha që kjo për momentin nuk është as e nevojshme. E vetmja gjë që do të thosha se qeveria duhet të bëjë është t’i menaxhojë rreziqet shëndetësore dhe ekonomike paralelisht, natyrisht me kufizime të caktuara për subjektet ekonomike, por jo me mbyllje të plotë”, u shpreh Marjan Petreski – Profesor universitar.

Akademiku Zeqiri beson se tre pakot e masave deri më tani nuk kanë dhënë efektet e dëshiruara. Ai shton se pakoja e katërt e masave duhet të rrisë numrin e punëtorëve që do të marrin pagë minimale dhe e njëjta të përfundojë në llogaritë e punëtorëve në mënyrë që të mos ketë keqpërdorim të mundshëm të parave të shtetit dhe qytetarët të mos kenë asnjë obligim për të pritur para bankave. Petreski nga ana tjetër thotë se nëse Qeveria vendos të mbyllë ekonominë, patjetër duhet të shqyrtohet parashikimi për rritjen e PBV-së, i cili në atë rast do të zvogëlohet në mënyrë plotësuese.

Ile Petreski

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending