Connect with us

Maqedoni

VMRO-ja s’voton “gjendjet e jashtëzakonshme”

Published

on


VMRO-DPMNE-ja nuk do të miratojë pesë vendimet e Presidentit për shpalljen e gjendjes së jashtëzakonshme në periudhën mars-qershor. Sipas tyre, shpallja e gjendjes së jashtëzakonshme nuk u shfrytëzua për miratimin e vendimeve të duhura për përmirësimin e situatës shëndetësore por as ekonomike.

Bazë e dytë për këto vendime ishte menaxhimi me pasojat ekonomike. Sot, disa muaj më vonë, kemi përkeqësim drastik të gjendjes ekonomike në vend dhe rritje të papunësisë. Qeveria i keqpërdori dhe në vend që të marrë masa në këto sfera solli dekrete me fuqi ligji që u keqpërdorën për blerje votash, ndryshim të Kodit zgjedhor në 12 pa 5 ose dhënien e licencave për marihuanë, etj”-tha Antonio Milloshovski, VMRO-DPMNE .

LSDM-ja thotë se VMRO-ja ka vendosur të mbetet në anën e kundërshtarit dhe me sjellje obstruktive të kundërshtojë masat që kanë qenë në shërbim të qytetarëve. Sipas partisë në pushtet, vendimi i opozitës s’do të ketë pasoja.

Të gjithë atë që flitet se nëse nuk miratohen vendimet me 2/3 e votave do të ketë ndikim tek qytetarët, unë e hedh poshtë. Edhe në këtë situatë Kushtetuta është e qartë, bëhet fjalë për një kohë dhe për një situatë në të cilën nuk kishte kushte për thirrjen e Kuvendit dhe shpallja e gjendjes së jashtëzakonshme ishte në kompetencë të Presidentit”-pohoi Kostadin Kostadinov, LSDM .

Propozimet për konfirmimin e vendimeve për shpalljen e gjendjes së jashtëzakonshme janë në rend dite në seancë plenare.

Në bazë të procedurave do të duhet të miratohen me shumicë prej 2/3 ashtu siç e parasheh Kushtetuta dhe mbetet të shihet cili do të jetë qëndrimi i grupeve parlamentare, gjegjësisht deputetëve. Eventualisht për mosmiratim të vendimeve, institucionet e tjera janë kompetente të vlerësojnë pasojat e mundshme juridike”-tha Talat Xhaferi, kryetar i Kuvendit.

Presidenti Pendarovski shpalli pesë herë radhazi gjendje të jashtëzakonshme në periudhën prej 18 marsit deri më 15 qershor. Në atë kohë Kuvendi ishte shpërndarë pasi ishin shpallë zgjedhje të parakohshme parlamentare.

Fatlume Dervishi 

Click to comment

Leave a Reply

Your email address will not be published. Required fields are marked *

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending