Connect with us

Maqedoni

Viti i ri shkollor, buzëqeshja e nxënësve u mbulua nga maskat

Published

on


Me një muaj vonesë, filloi viti shkollor 2020-2021. Maska mbuloi buzëqeshjen e nxënësve të cilët, të shoqëruar nga prindërit, u paraqitën në oborret e shkollave, disa për herë të parë, dhe të tjerët pas shtatë muajsh larg shkollave. Çdo hap i tyre ndiqej nga mësuesit, me qëllim respektimin e të gjitha protokolleve shëndetësore për mbrojtje nga virusi. Pavarësisht kufizimeve të shumta, fëmijët mezi prisnin të zënë vendet e tyre në klasë.

“Jam gëzuar shumë që kemi filluar vitin shkollor”.

“A po të pengon maska? Jo. Pse duhet ta mbash maskën, a e di? Sepse ka korona. Duhet ta mbajmë distancën”.

“Sot erdha, fillova në klasën e parë. Dua të kem një shoqe në bankë, nuk mundet, sepse ka virus”.

Klasat me mbi 20 nxënës tashmë ishin ndarë në grupe. Mësimdhënësit do të bëjnë punë të dyfishtë. Siç thonë ato, do të ballafaqohen me vështirësi të ndryshme.

Nuk jemi mësuar që në këtë mënyrë t’i pranojmë nxënësit. Nuk jemi mësuar t’i ndajmë nxënësit në grupe, mendoj që është jashtëzakonisht vështirë. Jemi të detyruar t’i punojmë dy ndërrime. Besojeni se si do të jetë efekti jonë edhe sa ne do të jemi të lodhur, rezultatin do ta shohim më vonë edhe pse jam shumë skeptike për rezultatin”-tha Mejlan Ameti, mësuese e klasës së parë.

Ministrja e Arsimit Mila Carovska tha se procesi arsimor do të ballafaqohet me gjendjen e krijuar.

Po e përsëris, nuk jemi këtu sepse dëshirojmë por sepse jemi të detyruar. Edhe këtë sfidë do ta tejkalojmë dhe do të dëshmojmë se edhe në një gjendje të këtillë, vendi jonë, procesi ynë arsimor do të ballafaqohet me gjendjen e krijuar dhe do të krijojë kushte për vit të suksesshëm shkollor 2020-21”-pohoi Mila Carovska, ministre e Arsimit.

Mësimin me prezencë fizike u lejua vetëm për nxënësit nga klasa e parë e deri në tretën, pjesa tjetër, me mësim nga distanca. Gjithashtu, prezencë fizike u lejua edhe për shkollat me pak nxënës, mirëpo shumë prej tyre u refuzuan. Kërkesë për mësim me prezencë fizike dorëzuan mbi 800 shkolla fillore dhe të mesme, ndërsa u lejuan rreth 600. Rreth 260,000 nxënës dhe 25,000 mësues të arsimit fillor dhe të mesëm do të realizojnë mësimin nga distanca. Ndërkohë, rreth 40 fëmijë do të mbeten edhe pa mësim “online” për shkak të gjendjes jo të mirë ekonomike. Të mbeturit jashtë platformës “online” mësimin do të mund ta ndjekin në radiotelevizionin kombëtar dhe do t’u dërgohen materiale mësimore në shtëpi.

 

Melihate Rustemi          

Click to comment

Leave a Reply

Your email address will not be published. Required fields are marked *

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending