Connect with us

Maqedoni

Vihen në pranga 10 persona, anëtarë të një grupi të organizuar për trafikim migrantësh

Published

on


10 persona të arrestuar është bilanci i aksionit policorë të ekzekutuar sot në disa lokacione në nivel republikan. Të gjithë dyshohen për grup të organizuar kriminal për trafikim emigrantësh. Organizatorë dyshohen të jenë 2 persona nga Bogdanci, 1 nga Shkupi dhe një nga fshati kufitar Llojan i Kumanovës. Policia po kërkon edhe një person të dyshuar.

Hetimi kriminalistik është hapur nga dhjetori i vitit 2019. Për këto 10 muaj sa ka zgjatur hetimi janë trafikuar qindra emigrantë, ndërsa çmimi për transport ka lëvizur nga 500-700 euro. Organizatorë dyshohen të jenë dy persona nga Bogdanci, babë e birë si dhe një person nga Llojani dhe një nga Shkupi”-tha Toni Angellovski, Zëdhënës i MPB-së.

Aksioni është realizuar në bashkëpunim me shërbimet nga Greqia dhe Serbia. Gjatë ditës pritet dorëzimi i kallëzimeve penale në Prokurori për krim të organizuar. Njëri nga anëtarët e grupit kriminal ndodhet në paraburgim.

Organizimi i emigrantëve ka qenë i tillë me çka persona bashkëpunëtor nga Greqia i kanë sjell emigrantët nëpërmes vendkalimeve jo legale mes Gjevgjelisë dhe Dojranit. Aty janë pritur nga anëtarë të grupit kriminal në vendin tonë të cilët me automjete i kanë dërguar deri në rajonin e Kumanovës dhe Likovës ku kanë pritur transferimin e tyre në Serbi nga grupi tjetër”-pohoi Toni Angellovski, Zëdhënës i MPB-së.

Nga janari i vitit 2020 deri në mesin e muajit tetor polica ka zbuluar 88 raste trafikimi emigrantësh, duke arrestuar rreth 70 persona të dyshuar dhe 2.700 emigrantë viktimë trafikimi. Në vitin 2019 ky numër ka qenë për gati 40 për qind më i vogël.

janar-shtator 2020Bilanci
Raste të zbuluara88
Vepra penale56
Kryerës të veprave 69
Numri i emigrantëve2.700

 

Adrian Kerimi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending