Connect with us

Maqedoni

Veles, rreth 40 persona sulmojnë 5 policë

Published

on


Dru-prerësit jolegal kanë rrahur brutalisht pesë policë në fshatin Stepanci të Velesit. Për shkak të lëndimeve të rënda, njëri nga policët është në gjendje kritike për jetën, ndërsa të tjerët kanë marrë lëndime trupore. Policia ka arrestuar katër nga të dyshuarit dhe janë identifikuar 10 persona të tjerë që kanë marrë pjesë në sulm, ndërsa vazhdon hetimi për dhjetëra persona të tjerë. Ministri Spasovski kërkoi nga Prokuroria të veprojë ndaj sulmuesve.
“Çdo kush që do të sulmojë nëpunës të policisë, i cili kujdeset për sigurinë e shtetit do të ballafaqohet me ligj. Sulmi ndaj nëpunësve të policisë është vepër penale serioze dhe sjellje të tilla nuk do të tolerohen në asnjë rast. Pres procedurë të shpejtë edhe nga Prokuroria Publike dhe pa kalkulime. Bashkë të kontribuojmë që dhunuesit të përgjigjen- deklaroi Oliver Spasovski, Ministër i Brendshëm.

Kanë reaguar edhe nga Sindikata e Pavarur e Policisë. Thonë se për momentin jeta e një polici kushton më pak se një metër kub dru, ndërsa kërkojnë ligj me të cilin uniforma e policisë do të jetë e paprekshme.
“Assesi të miratohet ligj me të cilin sulmi ose prekja e uniformave të një nëpunësi shtetëror është sulm ndaj shtetit. Nuk e kuptoj se deri kur këtë do ta diskutojmë por asnjëherë nuk do të ndodhë që në Kuvend të hyjë ligj me të cilin vërtetë Policia do të mbrohet. // Thjesht shumë nga policët më pyesin nëse jeta e një nëpunësi të policisë vlen një metër kub dru të vjedhura- pohoi Goce Delçev Todev, Sindikati i pavarur i policisë.

Ndërkohë nga Ndërmarrja Publike “Pyjet e Maqedonisë” thonë se bashkëpunimi mes policisë së pyjeve dhe ministrisë së punëve të brendshme për të mbrojtur pyjet duhet të vazhdojë, në të kundërtën prerja ilegale e druve do të marrë hov dhe humbjet do të jenë të mëdha dhe në shumë aspekte.

Mefail Ismaili

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending