Connect with us

Bota

Vazhdojnë protestat në Bjellorusi

Published

on


Mijëra bjellorusë zhvilluan demonstrata masive të mërkurën në mbrëmje për të denoncuar inaugurimin në fshehtësi të Presidentit Aleksandër Lukashenko. Forcat e sigurisë në kryeqytetin e vendit Minsk, përdorën pompat e ujit dhe tërhoqën zvarrë shumë prej protestuesve të mbledhur pasi agjencia shtetërore e lajmeve Belta, njoftoi se 66-vjeçari Aleksandër Lukashenko ishte betuar për mandatin e tij të gjashtë. Inaugurimi i tij vjen si sfidë ndaj demonstratave masive ku kërkohet largimi i tij për shkak të saj, që shumë thonë se ishte një proces i manipuluar. Por zoti Lukashenko këmbëngul se ai i fitoi zgjedhjet e 9 gushtit me një rezultat dërrmues prej 80 për qind të votave megjithë pretendimet e përhapura si brenda ashtu edhe jashtë vendit se zgjedhjet u manipuluan për të ruajtur pushtetin e tij 26 vjecar.

“Ne nuk kemi zgjedhur thjesht një president. Ne mbrojtëm vlerat, të jetuarit në paqe, sovranitetin e pavarësinë tonë”, tha zoti Lukashenko duke iu drejtuar një auditori prej disa qindra zyrtarësh të mbledhur me rastin e inaugurimit të tij. “Nuk mundem dhe nuk kam të drejtë t’i braktis bjellorusët”, tha ai.

Autoritetet bllokuan kryeqytetin e vendit Minskun, me qëllimin që të kalonte autokolona e zotit Lukashenko për ceremoninë e inaugurimit. Ngjarja nuk u transmetua në televizionin shtetëror. Asnjë personalitet i huaj, përfshirë përfaqësues nga Rusia, aleati më i ngushtë i zotit Lukashenko, nuk ishin në ceremoni.

Në një intervistë për Zërin e Amerikës, senatori amerikan Jack Reed, një anëtar i Komisionit të Senatit për Forcat e Armatosura, tha se ceremonia klandestine është një tjetër tregues se zoti Lukashenko ka humbur mbështetjen e popullit bjellorus.

“Populli bjellorus ka treguar vërtet një guxim e përkushtim të madh. Ata nuk i janë trembur terrorit, shtypjes, sulmeve nga forcat e policisë. Ata vazhdojnë të kthehen. Ata duan që Lukashenko të largohet dhe po bëjnë gjithçka që munden paqësisht, për ta detyruar atë të largohet”, tha zoti Reed.

Brenda disa orësh nga inaugurimi sekret, Sviatlana Tikhanouskaya, rivalja kryesore në zgjedhje e zotit Lukashenko, përmes një deklarate e quajti këtë zhvillim një “farsë”.

“Sot, i fshehur nga njerëzit, Lukashenko u përpoq të kryente inaugurimin e tij”, tha zonja Tikhanouskaya, duke shtuar se ai nuk “është as kreu legjitim i Bjellorusisë”. “Unë Sviatlana Tikhanouskaya jam udhëheqësja e vetme e zgjodhur e popullit bjellorus. Qëllimi ynë aktualisht është të ndërtojmë së bashku një Bjellorusi të re”, tha zonja Tikhanouskaya. Por ajo ka thënë vazhdimisht se nuk ka ndërmend të marrë detyrën si presidente dhe se në vend të kësaj do të bënte thirrje për zgjedhje të lira e të ndershme, sapo zoti Lukashenko të largohej nga pushteti.

Disa vende evropiane mes tyre Gjermania, Danimarka dhe vendet baltike kanë bërë të ditur se nuk do ta njohin më qeverinë e Lukashenkos. BE-ja ka bërë thirrje për sanksione kundër përgjegjësve për manipulimin e zgjedhjeve dhe dhunës ndaj protestuesve paqësorë. Rusia, mbështetësja kryesore e zotit Lukashenkos mes trazirave politike, nuk bëri ndonjë deklaratë zyrtare pas inagurimit të tij, por ka thënë më parë se tani për tani njeh zotin Lukashenko si udhëheqësin legjitim të vendit. Opozita bjelloruse bëri menjëherë thirrje që protestuesit të mbushin rrugët e kryeqytetit të mërkurën në mbrëmje, duke ndjekur një model të mosbindjes qytetare që nga procesi zgjedhor, që pjesëmarrësit e kanë cilësuar si “rizgjim kombëtar”. Për gjashtë javë rresht qindra mijëra vetë janë mbledhur për të kërkuar dorëheqjen e zotit Lukashenko duke argumentuan se zgjedhjet u manipuluan.

Click to comment

Leave a Reply

Your email address will not be published. Required fields are marked *

Bota

G7 shton kontributin për programin global të vaksinimit – COVAX – Alsat

Published

on

Udhëheqësit e G7-ës janë zotuar të rrisin bashkëpunimin për të luftuar pandeminë dhe të shtojnë kontributin e tyre në kuadër të programit global COVAX për shpërndarjen e vaksinave kundër COVID-19. Në një deklaratë të përbashkët të lëshuar pas një samiti virtual të mbajtur të premten (19 shkurt), udhëheqësit e G7-ës shpallën zotimin për ndarjen e 7.5 miliardë dollarëve.

Vendet e pasura janë nën presion për të siguruar vaksina edhe për vendet e varfëra.

Presidenti amerikan, Joe Biden, ka premtuar 4 miliardë dollarë ndihmë në kuadër të këtij fondi. Më 2021 do të dhurohen 2 miliardë, ndërsa gjatë dy viteve të ardhshme dy miliardë të tjera. Kancelarja gjermane, Angela Merkel tha se vendi i saj do të ndajë 1.2 miliardë dollarë shtesë.

“Pandemia nuk mbaron derisa të gjithë njerëzit në botë të vaksinohen”, u tha ajo gazetarëve. Edhe Bashkimi Evropian ka premtuar se do të shtojë kontributin.

COVAX është një projekt global për blerjen dhe shpërndarjen vaksinave për së paku 20 për qind të popullatës së rrezikuar në secilin vend.

Plani është hartuar për t’iu mundësuar vendeve të varfra të arrijnë hapin në vaksinim, përballë vendeve të pasura.

Vendet e G7-ës janë Shtetet e Bashkuara, Gjermania, Japonia, Britania, Franca, Kanadaja dhe Italia.

Sipas të dhënave të Universitetit Johns Hopkins, me seli në SHBA, deri më tani, të paktën 110 milionë njerëz janë infektuar me koronavirusin e ri dhe më shumë se 2.4 milionë kanë vdekur në gjithë botën.

Continue Reading

Bota

Danimarka forcon kufizimet në kufirin gjerman – Alsat

Published

on

Danimarka do të shtrëngojë kufizimet e saj në kufirin gjerman, pas rritjes së rasteve COVID-19 në një lokalitet në kufi me mbretërinë skandinave, njoftoi sot Ministria daneze e Drejtësisë.

“Për shkak të situatës epidemiologjike në Flensburg (Gjermania veriore), qeveria ka vendosur të rrisë përpjekjet e saj në kufirin Danimarkë-Gjermani, ku policia, ndër të tjera, do të mbyllë një numër vendkalimesh kufitare dhe të kalojë përmes kontrollit të kufirit të intensifikuar në mënyrë të konsiderueshme”, tha ministria në një deklaratë, raporton ATSh.

Që nga mesnata e së shtunës (ora lokale), autoritetet do të mbyllin një duzinë postash kufitare.

Në Gjermani, me të cilën mbretëria ndan gati 70 kilometra kufij tokësorë, kryetarja e Flensburgut, Simone Lange, tregoi se të gjitha infektimet e reja të zbuluara në qytetin e saj ditët e fundit, pra 80, kanë të bëjnë me variantin B.1.1.7 të virusi, që u shfaq në Britaninë e Madhe dhe që konsiderohet të jetë më ngjitës.

Si rezultat, banorët do t’u nënshtrohen kufizimeve më të ashpra me zbatimin e një ndalimqarkullimi nate nga e shtuna, fillimisht për një javë.

Continue Reading

Bota

CNN: Të harruar nga BE, vendet e Ballkanit mbështeten në vaksinën ruse dhe kineze – Alsat

Published

on

CNN i ka kushtuar një analizë të gjatë çështjes së vaksinës dhe faktit që ende nuk është shpërndarë në shumë vende të botës, duke përfshirë këtu dhe Ballkanin Perëndimor.

Në një kohë kur Mbretëria e Bashkuar po feston se 15 milionë persona kanë marrë dozën e parë, ndërsa në BE janë shpërndarë 23 milionë vaksina, shumë vende të tjera europiane nuk kanë marrë asgjë.

Kosova, Mali i Zi dhe Bosnje Hercegovina janë ende në pritje të ngarkesave të para, ndërsa në Shqipëri dhe Maqedoninë e Veriut procesi i vaksinimit deri në këto momente ka qenë i limituar.

Vendet e Ballkanit Perëndimor konsiderohen aleatë kyçë dhe anëtarë të mundshëm në të ardhmen të Bashkimit Europian, por janë lënë jashtë nga plani i bllokut për furnizimin e menjëhershëm me vaksina.

BE ka siguruar deri në këto momente 2.3 miliardë doza vaksina dhe ka premtuar se do të ndajë disa prej tyre me vendet e tjera. Gjithashtu ka caktuar një fond prej 85 milionë dollarësh për rajonin e Ballkanit Perëndimor për të blerë vaksina në një të ardhme, por në një kohë kur shpërndarja ka qenë e ngadaltë dhe me vonesa, këto vende janë akoma në pritje.

Dhe si vende relativisht të pasura, të paktën në kontekstin global, këto vende nuk janë gjithashtu përparësi në programet e hartuara për të ndihmuar vendet më të varfra të botës.

Ato janë bërë pjesë e programit COVAX, i cili ka si qëllim të bëjë më të barabartë aksesin te vaksinat për të gjithë botën, por furnizimi i kufizuar i skemës nënkupton që fokusi i saj kryesor janë 92 vende me të ardhura të ulëta dhe të mesme që nuk mund të përballojnë vaksinat pa financim dhe vendet e Ballkanit Perëndimor nuk janë ndër ato. Si anëtare me vetëfinancim në COVAX, ato do të marrin 850,000 doza të vaksinave të ndryshme, por se kur këto mund të mbërrijnë është e ende paqartë.

Përballë një pritje të gjatë, Serbia mori kontrollin e situatës dhe kërkoi vaksinat diku tjetër. Kina dhe Rusia ishin gati të ndihmonin. Qeveria serbe deri në këto momente ka marrë nga Kina 1.5 milionë doza të vaksinës Sinopharm, duke e katapultuar vendin prej 7 milionë banorësh në krye të garës globale të vaksinimit. Sipas të dhënave zyrtarë rreth 1 milionë qytetarë janë vaksinuar kundër Covid-19 në Serbi që 19 janari, kur nisi dhe zyrtarisht vaksinimi.

Ditët e fundit, Serbia ka ndihmuar dhe disa nga vendet fqinje si Maqedonia e Veriut dhe Mali i Zi, duke iu dhënë atyre dhe disa sasi simbolike vaksinash. Ndërkohë, Bashkimi Europian ka premtuar se do ta ndihmojë rajonin me blerjen e vaksinave antiCovid, por pa dhënë detaje.

Continue Reading

Trending