Connect with us

Maqedoni

Vazhdojnë negociatat me Bullgarinë – Alsat

Published

on

Bisedimet për tejkalimin e mospajtimeve me Bullgarinë vazhdojnë ditëve në vijim në nivel të grupeve punuese, e udhëhequr nga ministrat për punë të jashtme të dy vendeve, ndërsa identiteti dhe gjuha maqedonase janë vijat e kuqe në negociatat me Bullgarinë, të cilat disa herë ditëve të fundit i ka potencuar kreu shtetëror, ndërsa dje i përsëriti dhe ministrja e mbrojtjes Radmilla Shekerinska.

Për atë se nuk do të ketë negociata për gjuhën dhe identitetin, e konfirmoi edhe vet kryeministri Zoran Zaev të enjten për BGNES. Ai pohoi se gjuha dhe identiteti nuk janë fare në tavolinën e negociatave. Sipas tij, Bullgaria e pranon gjuhën dhe identitetin maqedonas dhe më tepër duan të flasin për historinë.

Ndërkaq ministrja Radmilla Shekerinska thotë se dëshiron marrëveshje të kënaqshme për të dyja vendet. Sipas saj, të gjithë në Qeveri janë optimist se do të zgjidhet problemi.

Edhe zv.kryeministri Nikolla Dimitrov pohon se gjuha e identiteti janë rezultat i një procesi historik dhe nuk mund fare të bisedohet për këto tema.

Sipas tij, vendi nuk do të heqë dorë nga e ardhmja evropiane dhe kështu nuk do të lejohet të preket identiteti maqedonas.

Ndryshe për dhjetë ditër duhet të mbahet mbledhja e këshillit të ministrave të BE-së ku përsëri mund të vendoset çështja për mundësi për fillim zyrtar të negociatave me Bashkimin Evropian, pasi Bullgaria në mbledhjen e 17 nëntorit vendosi veto dhe qëndroi në kërkesat e saj për disa kushte në kornizë.

Zoran Zaev ndërkaq deklaroi se nuk ka caktuar takim me kolegun e tij bullgar Bojko Borisov.

Nga ana tjetër opozita ka paralajmëruar interpelancë ndaj Qeverisë por ende nuk e ka të sigurtë shumicën për rrëzimin e saj. Shekerinska deklaroi se kjo është e drejtë e tyre ndërsa ata si demokratë do të dalin fitimtarë.

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending