Connect with us

Bota

Vala e dytë e koronavirusit ka goditur Rusinë, Kremlini thotë se situata është nën kontroll – Alsat

Published

on

Ndonëse ka shifra të larta infeksionesh dhe vdekjesh prej koronavirusit, Kremlini thotë, se e ka nën kontroll situatën.

Në Rusi Moska ishte e prekur më së shumti prej valës së parë të pandemisë së koronavirusit. Por aktualisht janë prekur edhe rajonet. Në shumë qytete kapacitetet nëpër spitale janë në limit. Sipas statistikave zyrtare kanë vdekur gati 40.000 vetë prej koronavirusit. Ndërsa mediat flasin për një katërfishim të numri të vdekjeve në vend krahasuar me një vit më parë. Në qytetin Ufa, në Republikën e Bashkortostanit rritjen e vdekjeve e përjetojnë më së shumti varrëmihësit, shkruan DW.

Varrime pa kortezhin tradicional të rrethit familjar

Aktualisht ka rritje të intensifikuar të varrimeve dhe transporti i të vdekurve organizohet brenda një intervali gjithnjë e më të shkurtër kohor. Çdo mëngjes varrëmihësit e shërbimit funeral „Rituali Ufa” marrin viktimat e koronavirusit nga salla e kufomave. 29 vjeçari Artur Kinsikejev merret që prej 12 vjetësh me këtë punë, por asnjëherë më parë nuk i është dashur të varrosë kaq shumë të vdekur sa tani. Në një sallë të posaçme në Ufa ndodhen trupat e të vdekurve prej koronavirusit. Kufomat para se të transportohen duhet të mbulohen sipas rregullave dhe arkivolët duhen mbyllur.

Shumë rusë e konsiderojnë këtë sjellje me të vdekurit si të pamëshirshme, thotë Arturi. “Të afërmit janë të tensionuar shumë më tepër se zakonisht në raste vdekjesh, sepse tani trupi i të vdekurit u dorëzohet atyre i mbështjellë me thasë plastikë. Ata nuk lejohen ta hapin atë, këtë më duhet t’ua them menjëherë atyre. Disa qajnë dhe duan ta hapin thesin e palstikës. Unë u shpjegoj, që po ta bëjnë këtë mund të infektohen. Me virusin nuk bëhet shaka.”

Normalisht varrimet në Rusi janë një ceremoni e madhe familjare, ku vijnë të gjithë. Por në pandemi lamtumira nga të dashurit është ndryshe dhe frika është e madhe. Shumë që i tremben infeksionit tani nuk marrin pjesë në ceremonitë mortore dhe i shprehin ngushëllimet në distancë përmes telefonit. Në kohën e pandemisë disa agjensi funeralesh ofrojnë madje edhe imazhe si live stream nga varrezat. Ky biznes është në bum.

Njerëzit kanë rezerva

Që prej valës së dytë të infeksioneve në vjeshtë, thotë drejtuesi i ekipit të funeralit Juri Koslov, ka pasur dyfish më shumë të vdekur se më parë në qytetin Ufa. “Ndër të njohurit e mi tani papritur më shumë se asnjëherë më parë ata duan të dinë për punën tonë. Ata më telefonojnë dhe pyesin: Nëse ka vërtetë kaq shumë varrime? Nëse vërtetë vdesin kaq shumë njerëz. Njerëzit nuk besojnë, ndoshta ata mendojnë, se po i gënjejnë. Ata preferojnë më shumë t’i marrin informacionet nga dora e parë dhe na pyesin neve.”

Ufa ka mbi një milionë banorë dhe është kryeqyteti i Republikës së Bashkortostanit. Në statistikat qeveritare pretendohet, se në rajon që nga fillimi i pandemisë zyrtarisht kanë vdekur vetëm 80 vetë prej koronavirusit. Por shifrat tregojnë se në këtë kohë kanë vdekur 4000 vetë më shumë, se sa një vit më parë. Në të gjithë Rusinë ka pothuajse përditë shifra të reja rekord me të infektuar. Ndërsa Kremlini thotë, që e ka nën kontroll situatën.

Click to comment

Leave a Reply

Your email address will not be published. Required fields are marked *

Bota

G7 shton kontributin për programin global të vaksinimit – COVAX – Alsat

Published

on

Udhëheqësit e G7-ës janë zotuar të rrisin bashkëpunimin për të luftuar pandeminë dhe të shtojnë kontributin e tyre në kuadër të programit global COVAX për shpërndarjen e vaksinave kundër COVID-19. Në një deklaratë të përbashkët të lëshuar pas një samiti virtual të mbajtur të premten (19 shkurt), udhëheqësit e G7-ës shpallën zotimin për ndarjen e 7.5 miliardë dollarëve.

Vendet e pasura janë nën presion për të siguruar vaksina edhe për vendet e varfëra.

Presidenti amerikan, Joe Biden, ka premtuar 4 miliardë dollarë ndihmë në kuadër të këtij fondi. Më 2021 do të dhurohen 2 miliardë, ndërsa gjatë dy viteve të ardhshme dy miliardë të tjera. Kancelarja gjermane, Angela Merkel tha se vendi i saj do të ndajë 1.2 miliardë dollarë shtesë.

“Pandemia nuk mbaron derisa të gjithë njerëzit në botë të vaksinohen”, u tha ajo gazetarëve. Edhe Bashkimi Evropian ka premtuar se do të shtojë kontributin.

COVAX është një projekt global për blerjen dhe shpërndarjen vaksinave për së paku 20 për qind të popullatës së rrezikuar në secilin vend.

Plani është hartuar për t’iu mundësuar vendeve të varfra të arrijnë hapin në vaksinim, përballë vendeve të pasura.

Vendet e G7-ës janë Shtetet e Bashkuara, Gjermania, Japonia, Britania, Franca, Kanadaja dhe Italia.

Sipas të dhënave të Universitetit Johns Hopkins, me seli në SHBA, deri më tani, të paktën 110 milionë njerëz janë infektuar me koronavirusin e ri dhe më shumë se 2.4 milionë kanë vdekur në gjithë botën.

Continue Reading

Bota

Danimarka forcon kufizimet në kufirin gjerman – Alsat

Published

on

Danimarka do të shtrëngojë kufizimet e saj në kufirin gjerman, pas rritjes së rasteve COVID-19 në një lokalitet në kufi me mbretërinë skandinave, njoftoi sot Ministria daneze e Drejtësisë.

“Për shkak të situatës epidemiologjike në Flensburg (Gjermania veriore), qeveria ka vendosur të rrisë përpjekjet e saj në kufirin Danimarkë-Gjermani, ku policia, ndër të tjera, do të mbyllë një numër vendkalimesh kufitare dhe të kalojë përmes kontrollit të kufirit të intensifikuar në mënyrë të konsiderueshme”, tha ministria në një deklaratë, raporton ATSh.

Që nga mesnata e së shtunës (ora lokale), autoritetet do të mbyllin një duzinë postash kufitare.

Në Gjermani, me të cilën mbretëria ndan gati 70 kilometra kufij tokësorë, kryetarja e Flensburgut, Simone Lange, tregoi se të gjitha infektimet e reja të zbuluara në qytetin e saj ditët e fundit, pra 80, kanë të bëjnë me variantin B.1.1.7 të virusi, që u shfaq në Britaninë e Madhe dhe që konsiderohet të jetë më ngjitës.

Si rezultat, banorët do t’u nënshtrohen kufizimeve më të ashpra me zbatimin e një ndalimqarkullimi nate nga e shtuna, fillimisht për një javë.

Continue Reading

Bota

CNN: Të harruar nga BE, vendet e Ballkanit mbështeten në vaksinën ruse dhe kineze – Alsat

Published

on

CNN i ka kushtuar një analizë të gjatë çështjes së vaksinës dhe faktit që ende nuk është shpërndarë në shumë vende të botës, duke përfshirë këtu dhe Ballkanin Perëndimor.

Në një kohë kur Mbretëria e Bashkuar po feston se 15 milionë persona kanë marrë dozën e parë, ndërsa në BE janë shpërndarë 23 milionë vaksina, shumë vende të tjera europiane nuk kanë marrë asgjë.

Kosova, Mali i Zi dhe Bosnje Hercegovina janë ende në pritje të ngarkesave të para, ndërsa në Shqipëri dhe Maqedoninë e Veriut procesi i vaksinimit deri në këto momente ka qenë i limituar.

Vendet e Ballkanit Perëndimor konsiderohen aleatë kyçë dhe anëtarë të mundshëm në të ardhmen të Bashkimit Europian, por janë lënë jashtë nga plani i bllokut për furnizimin e menjëhershëm me vaksina.

BE ka siguruar deri në këto momente 2.3 miliardë doza vaksina dhe ka premtuar se do të ndajë disa prej tyre me vendet e tjera. Gjithashtu ka caktuar një fond prej 85 milionë dollarësh për rajonin e Ballkanit Perëndimor për të blerë vaksina në një të ardhme, por në një kohë kur shpërndarja ka qenë e ngadaltë dhe me vonesa, këto vende janë akoma në pritje.

Dhe si vende relativisht të pasura, të paktën në kontekstin global, këto vende nuk janë gjithashtu përparësi në programet e hartuara për të ndihmuar vendet më të varfra të botës.

Ato janë bërë pjesë e programit COVAX, i cili ka si qëllim të bëjë më të barabartë aksesin te vaksinat për të gjithë botën, por furnizimi i kufizuar i skemës nënkupton që fokusi i saj kryesor janë 92 vende me të ardhura të ulëta dhe të mesme që nuk mund të përballojnë vaksinat pa financim dhe vendet e Ballkanit Perëndimor nuk janë ndër ato. Si anëtare me vetëfinancim në COVAX, ato do të marrin 850,000 doza të vaksinave të ndryshme, por se kur këto mund të mbërrijnë është e ende paqartë.

Përballë një pritje të gjatë, Serbia mori kontrollin e situatës dhe kërkoi vaksinat diku tjetër. Kina dhe Rusia ishin gati të ndihmonin. Qeveria serbe deri në këto momente ka marrë nga Kina 1.5 milionë doza të vaksinës Sinopharm, duke e katapultuar vendin prej 7 milionë banorësh në krye të garës globale të vaksinimit. Sipas të dhënave zyrtarë rreth 1 milionë qytetarë janë vaksinuar kundër Covid-19 në Serbi që 19 janari, kur nisi dhe zyrtarisht vaksinimi.

Ditët e fundit, Serbia ka ndihmuar dhe disa nga vendet fqinje si Maqedonia e Veriut dhe Mali i Zi, duke iu dhënë atyre dhe disa sasi simbolike vaksinash. Ndërkohë, Bashkimi Europian ka premtuar se do ta ndihmojë rajonin me blerjen e vaksinave antiCovid, por pa dhënë detaje.

Continue Reading

Trending