Connect with us

Maqedoni

Transporti publik në Shkup, rrezik për shëndetin e qytetarëve

Published

on


Në shumë nga autobusët e transportit publik në kryeqytet tejkalohet numri i lejuar i pasagjerëve. Kjo shihet edhe në këto fotografi të postuara në rrejtët sociale nga qytetarë të revoltuar. Në fotografitë në fjalë të bëra brenda njërit prej autobusëve me numër 19, shihet se si pasagjerët janë “ngjitur” pranë njëri-tjetrit për të bërë pak vend për akoma më shumë pasagjerë. Protokolli për mbrojtje nga virusi korona, sipas të cilit  në asnjë nga autobusët nuk duhet të tejkalohet 75 % e kapaciteteve, qartazi është shkelur. Shumë të moshuar, që janë edhe kategoria më e rrezikuar nga virusi korona, nuk kanë mundësi tjetër për transporti. Thonë se ngjiten në autobus, por me frikë për shëndetin e tyre.

“Jo pak, por shumë grumbull njerëzish ka nëpër autobusë. Ka shumë dhe kjo nuk është gjë e mirë. Ka pak autobusë. Tani nuk udhëtoj shumë shpesh, që kur nisi pandemia”

“ Ka shumë njerëz brenda? – Ka, si nuk ka. Plot. Ndoshta ka 50-60 persona. A keni frikë? – Sigurisht. Dëgjojmë se në ditë infektohen nga 200 njerëz, tani a është  e vërtetë a jo, një Zot e di.”

“Ka ka, 57-ta sidomos është përplot.Shoh nuk mbajnë as maska as asgjë. Them pse nuk mbani maska, më thonë nuk është asgjë ajo. Unë kam frikë për shëndetin. E mbaj maskën që kur na është thënë.”

“Ka në mëngjes sidomos kur shkojnë në punë. Më së shumti ka në mëngjes dhe rreth orës 1 ose dy kur disa kthehen nga puna. Kur ka shumë njerëz nuk ngjitem në autobus.”

Nga Ndërmarrja për Qarkullimit Publik, thonë se transporti është organizuar sipas nevojës së shfrytëzuesve. Të dhënat i sigurojnë në bazë  të numrit të pasagjerëve të regjistruar në sistem përmes biletave elektronike. Megjithatë, disa shofer, jashtë kamerës na informuan se në sistem numri i qytetarëve mund të figuroje më i vogël, sepse disa prej atyre që udhëtojnë nuk paguajnë bileta. Nga NQP thonë se fluksi gjatë ditës shkaktohet edhe për shkak të vonesave të autobusëve që vijnë si rezultat i trafikut apo punimeve të sektor të caktuar rrugore.

NQP i respekton masat për mbrojtje nga virus korona dhe asgjë nuk bëhet pa planifikim, por duke shqyrtuar situatën faktike në terren. Numri i legjitimimit në disa orare të caktuara tregoi se ka lindur nevoja dhe pikërisht për këtë arsye para dy ditësh rendi i transportit është tredimensional. Nëse deri dje ishte në funksion orari i së shtunës, tani kemi vënë në zbatim rendin veror të transportit., apo thënë ndryshe në oraret më të ngarkuara është rritur numri i autobusëve”-tha Despina Trajkovska Dimova, NQP.

Në terren vërejtëm se shkelet edhe një tjetër pikë e protokollit për transport publik, sipas të të cilit qytetarët që ngjiten në autobus dhe ata që zbresin duhet ta bëjnë këtë gjë duke përdorur dyer të ndryshme. Maska, sigurisht, duhet të mbajnë të gjithë, pa përjashtim.

Evi Shkopi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending