Connect with us

Maqedoni

Tetovë, nxënësit në protesta kërkojnë mësim me prezencë fizike

Published

on


Qindra nxënës të shkollave të mesme në Tetovë, kanë protestuar kundër mësimit online. Ata kërkojnë që mësimin ta fillojnë me prezencë fizike. Në protestën e sotme, nxënësit kundërshtuan vendimin e Unionit të Nxënësve të cilët u pajtuan që këtë muaj mësimi të nis online.

“Ne nuk e përkrahim marrëveshjen e UNSHM me Ministrinë e Arsimit, sepse në atë marrëveshje nuk janë shfaqur kërkesat tona dhe nuk është marrë mendimi ynë për atë marrëveshje. Kërkesa jonë është që mësimi të fillojë fizikisht. Ne jemi të vetëdijshëm dhe mund t’i përmbahemi protokollit të shkollës që do e caktojë Ministria e arsimit apo e Shëndetësisë. Platforma online është e dështuar sepse njëjtë siç ishte mësim i dështuar me platformën, do jetë edhe ky tani”, u shpreh një nxënës.

“Ne kërkojmë që mësimi të filloj me prezencë fizike sepse shumë objekte deri më tani janë hapur dhe shumë aktivitete janë mbajtur. Këtu jemi mbledhur për ta shfaqur revoltën dhe bojkotin tonë sepse edhe shumë nxënës nuk kanë mjete për tu kyçur online”, tha një tjetër nxënës.

“Gjithë ne e dimë se sa efikas ka qenë ky lloj i arsimit ato tre muaj në vitin e shkuar. Ne do vazhdojmë protestat derisa organet kompetente të kuptojnë revoltën tonë dhe të marrin masa rreth kësaj çështjeje”, nxënës.

Ata thonë se një pjesë e madhe e nxënësve nuk i kanë kushtet për tu kyçur online si pasojë e mungesës së pajisjeve të duhura, por edhe kushteve të dobëta ekonomike.

“Ka shumë raste që nuk kanë pajisje sepse janë dy apo tre nxënës në të njëjtën shtëpi nuk kanë as dhoma të ndara dhe duhet nga një laptop për secilin për secilin veç”, nxënës.

Mësimi online aspak nuk ka filluar në shumicën e shkollave të Malësisë së Sharrit, pikërisht shkaku i internetit të dobët por edhe mungesës së kompjuterëve.

Bashkim Sulejmani

Click to comment

Leave a Reply

Your email address will not be published. Required fields are marked *

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending