Connect with us

Maqedoni

Teatri Shqiptar me leje për punë, por pa energji elektrike

Published

on


Teatri Shqiptar në Shkup, ka marrë dritë jeshile nga Ministria e Transportit dhe Lidhjeve që të filloj me punë, megjithatë objekti është pa energji elektrike që nga shtatori për shkak të borxheve të papaguara.

Ushtruesi i detyrës drejtor i Teatrit, Adem Karaga thotë se ka kërkuar fonde nga Ministria për shlyerjen e borxheve, por në llogarinë e Teatrit nuk u transferua shuma e kërkuar.

“Aktualisht problem shtesë është mospasja e energjisë elektrike në objekt që nga 23 shtatori, që është pasojë e një borxhi të akumuluar nga muaji mars e tutje. Unë kam rimarrë detyrën në fund të muajit gusht dhe më 11 shtator i jemi drejtuar Ministrisë me kërkesë për fonde në vlerë të borxhit, por në llogarinë e Teatrit u transferuan vetëm një pjesë e këtyre parave”, tha Adem Karaga, u.d. drejtori i Teatrit.

Ministri i Transportit dhe Lidhjeve, Bllagoja Boçvarski, thotë se pas inspektimit që ka bërë Komisioni, Teatrit Shqiptarë i është dhënë miratimi për punë. Ndërsa për mungesën e energjisë elektrike dhe problemet e tjera të objektit edhe përkundër rikonstruksionit, thotë se nuk ka informacione.

“Lidhur me këto çështje që i hapët nuk kam informata. Por gjithsesi se do të informohem për gjendjen e këtillë dhe nëse ka gjithsesi se kryerësi i punimeve, organet kompetente duhet ti kryejnë ata procedura, pasi janë punë teknike, por nëse ka ndonjë dëm në ndër kohe, kryerësi i punimeve është i obliguar që ti sanojë të gjitha nevojat e objektit në periudhë të caktuar kohore përderisa zgjat garancia e atij objekti që të mundet ai pa pengesa të funksionojë”, tha Bllagoja Boçvarski, Ministër i Transportit dhe Lidhjeve.

Përveç parave për borxhet e faturave të papaguara të energjisë elektrike, Karaga thotë se për funksionimin e Tetarit duhen fonde shtesë, të cilat janë ndarë nga Qeveria, por nuk kanë mbërritur në konton e Teatrit. Rindërtimi i Teatrit Shqiptar filloi në vitin 2014. Deri më tani janë shpenzuar 10.5 milion euro. Por disa herë janë shkelur afatet për përfundimin e ndërtimeve dhe fillimin me punë të Teatrit. Edhe pas përfundimeve të objektit, reshjet e shiut zbuluan shumë dobësi dhe kanë shkaktuar dëme të mëdha. Rindërtimin e filloi ndërmarrja “Lamone Moreda”, e cila shumë shpejt falimentoi, ndërsa e vazhdoi “Shencia”. Sipas marrëveshjes Shencia, duhet ta mirëmbajë objektin dy vitet e ardhshme. Procedura e tenderit për Teatrin Shqiptar u hulumtua nga PSP tashmë e shuar.

Mefail Ismaili

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending