Connect with us

Maqedoni

Spitali modular sot me 23 pacientë

Published

on


Në ditën e dytë të vënies në funksion të spitalit modular janë shtruar 23 pacientë të sjellë nga i gjithë vendi. Meqë kapaciteti i Klinikës Infektive është i mbushur që dje me 108 pacientë, prej të cilëve 88 në oksigjeno terapi, barakat në oborrin e tij që dje kanë hapur dyert ku kanë në dispozicion 70 shtretër, secili me të gjitha pajisjet për kurim nga virusi korona, thonë autoritetet spitalore.

“Hapësirat shtesë në oborrin e Klinikës Infektive tani më po fillojnë të mbushen, pacientëve të djeshëm iu janë shtuar edhe disa të tjerë sot, të cilët kanë nevojë për kurim spitalor por kanë simptoma më të lehta të CoVid-19.”

Nga drejtoria e Klinikës tha se është mobilizuar edhe personeli mjekësor me gjithë specialistë dhe infermierë, të cilëve në ndihmë u erdhën internistë, duke funksionuar si një klinikë më vete. Edhe disa vende të lira ka në repartet infektive të Ohrit, Prilepit, Tetovës, Strugës dhe Gostivarit. Ndërsa, në limitet e tyre janë edhe disa reparte infektive të qyteteve të tjera, thonë nga Ministria e Shëndetësisë.

Ministria e Shëndetësisë:

Reparti Infektiv në Shtip:                               kapaciteti 38 shtretër               –      të hospitalizuar 54 pacientë

Reparti Infektiv në Strumicë:                        kapaciteti 38 shtretër               –      të hospitalizuar 49 pacientë

Reparti Infektiv në Veles:                              kapaciteti 35 shtretër              –       të hospitalizuar 35 pacientë

Reparti Infektiv në Manastir:                       kapaciteti 45 shtretër                  –   të hospitalizuar 43 pacientë

Reparti Infektiv Kumanovë:                         kapaciteti 28 shtretër                  –   të hospitalizuar 28 pacientë

 

Mbushja e kapaciteteve spitalore ka ndezur alarmin e tërë sistemit shëndetësor, prej çka edhe varen masat e reja restriktive. Këtë e pati paralajmëruar edhe Ministri Venko Filipçe që nëse stërmbushen repartet nga pacientë me virusin korona, do të pasoj ora policore dhe karantina e disa zonave.

 

Adnan Qaili

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending