Connect with us

Maqedoni

Spitalet Ohër-Strugë me numër të madh të pacientëve me Kovid-19, shumica në gjendje të rëndë – Alsat

Published

on

Një numër në rritje i pacientëve me koronavirus kanë pasqyrë të rëndë klinike dhe janë të shtruar në Spitalin e Ohrit. Mjekët thonë se pandemia në rajonin e Ohrit dhe Strugës po merr përmasa shqetësuese. Pothuajse çdo ditë numri i rasteve pozitiveve është më i madh se 30. Për momentin, 90 pacientë ndodhen të shtruar në spitalin e Ohrit, prej të cilëve 40 janë në terapi oksigjeni.

Kemi pacientë të rinj me pasqyrë të vështirë. Ndoshta edhe më tutje, do të kemi pacientë të rinj dhe pasqyrë të rëndë, pasi kjo është sëmundje e paparashikueshme. Për momentin kemi dy -tre persona që janë në gjendje shumë të rëndë – tha Goran Balev- drejtor i spitalit të përgjithshëm në Ohër.

Kapacitetet po mbushen edhe në Strugë. Drejtuesit e Spitalit po mendojnë që në rast të nevojës, një pjesë e kirurgjisë të shndërrohet në kovid qendër. Për momentin janë 40 pacientë të shtruar. Gjashtë mjekë dhe 15 infermierë janë pozitiv.

Numrat po rriten çdo ditë. Kapacitetet tona janë të plota. Situata është nën kontroll, por është e vështirë në përgjithësi, në bazë të numrave. Për momentin mund të menaxhojmë me situatën, shpresojmë se do të vazhdojmë. Deri kur, askush nuk mund të parashikojë – deklaroi Muhamed Asani, drejtor i spitalit të përgjithshëm në Strugë.

Qendra për sëmundje kardiovaskulare në Ohër, tashmë pranon pacientë me kovid 19. Ata janë vendosur në një nga repartet e spitalit, i cili para pandemisë shërbente për rehabilitimin e pacientëve me sëmundje të zemrës. Oksigjeni sigurohet nga bombola, pasi spitali nuk ka furnizim qendror me oksigjen.

Do të duhet të bëjmë ulje të numrit të pacientëve që do të kontrollohen ose do të duhet procedurë të përzgjedhjes apo procedurë që mund të shtyhet. Por, në pjesën ku kemi pacientë të rëndë me patologji të rrezikshme për jetë, nuk do të ndryshojë asgjë – u shpreh Nikolla Bakraçeski- kardiolog.

Nga spitali konfirmojnë se ka rënie të numrit të terminëve për kontroll deri në 50%.

Miki Trajkovski

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending