Connect with us

Showbiz

Skandalet seksuale dhe pandemia e coronavirusit në fokusin e filmit “Borat 2”

Published

on

Pas 14 vjetësh që e çmendi botën me një film për gazetarin e televizionit kazak, Borat Sagdyev, i cili vizitonte Amerikën, Sasha Baron Cohen po kthehet në tokën e premtuar me filmin “Borat 2”.

Filmi i parë në lidhje me gazetarin kazak Borat Sagdyev, i cili po kërkonte Pamela Anderson në Amerikë si realizimin e ëndrrës së jetës së tij, fitoi 260 milionë dollarë në kinematë botërore në vitin 2006, pas së cilës Sasha Baron Cohen bëri filmin “Bruno”, për modelin homoseksual austriak dhe më pas filmi “Diktatori. Me të dy filmat, ai përsëri arriti të fitonte rreth 200 milionë dollarë.

Ndërsa vazhdimisht “i pëlqen të lëvizë”, Baron Cohen në filmin “Borat 2” vjen me një koment tjetër mbi jetën e përditshme amerikane, e cila tani është nën hijen e politikave pandemike dhe agresive të Donald Trumpit, shkruan CNN.

Më 23 tetor, Amazon Prime Video lëshoi një vazhdim të aventurave të Boratit, në film me titullin punues “Dorëzimi i një miti mrekullibërës të regjimit amerikan për dobinë e kombit njëherë të famshëm të Kazakistanit” ose thjesht “Borat 2”.

Ajo që është interesante është se Sacha Baron Cohen e bëri filmin në fshehtësi dhe i referohet skandaleve seksuale dhe politike në Amerikë, të cilat ndërthuren dhe lidhin njerëzit në pozicione të pushtetit.

Rudolph Giuliani është avokat prej kohësh i Trumpit dhe filmi mbështetet gjithashtu në sugjerime për lidhjen midis presidentit amerikan dhe famëkeqit, Jeffrey Epstein, një biznesmen i cili zhvilloi një zinxhir të prostitucionit të fëmijëve duke organizuar në shtëpi “parajsën” për pedofilët.

“Borat 2” është një pasqyrë histerike, në kohë dhe disi shqetësuese për ngjarjet globale, të cilat gatuhen sipas recetave amerikane dhe kryesisht në kuzhinën amerikane. /Telegrafi/