Connect with us

Maqedoni

S’ka nisma për luftën kundër korrupsionit? – Alsat

Published

on

Tre muaj pas fillimit të mandatit të ekzekutivit, opinioni nuk është njoftuar akoma me rezultatet e analizës për të cilën u tha se do të gjente dobësitë e sistemit në luftën kundër korrupsionit dhe në punën e institucioneve. I pyetur nëse tashmë dihet se cilat do të jenë ndryshimet ligjore nga ku do të fillojë lufta kundër korrupsionit si dhe cilat institucione ose organe “të panevojshme” do të shfuqizohen, zv/kryeministri Lupço Nikollovski, përsëri bëri thirrje për durim.

I kemi detektuar të gjitha dobësitë dhe tani me plan veprimi do të hymë në realizim dhe mënjanimin e të gjitha dobësive që të ketë rend dhe disiplinë në institucionet e sistemit. Pikërisht në këtë jemi fokusuar dhe tashmë janë ndërmarrë shumë hapa, ndryshime dekretesh, ndryshime rregulloresh që tashmë janë miratuar në Qeveri. Tashmë është futur klauzola antikorruptive në procedurën për furnizime publike dhe shumë hapa të tjera tashmë janë bërë. Por, na lejoni, vinë 100 ditët e Qeverisë dhe me kënaqësi do të prezantojmë se çfarë kemi gjetur dhe çfarë kemi bërë ne – u shpreh Lupço Nikollovski, zv/kryeministër për luftë kundër korrupsionit.

Zv/kryeministri Nikollovski nuk ka ministri por kabinet i cili u premtua se do të koordinojë reformat në luftën kundër krimit dhe korrupsionit, zhvillimit të qëndrueshëm dhe resurseve njerëzore. Premtimi i parë i tij dhe i kryeministrit Zoran Zaev për emërime transparente dhe konkurs publik, u shkel.

Po do të fillohet prej diku. Për drejtorët e parë do të ketë konkurse, do të ketë shpallje publike, për funksionarë të ndryshëm, për lloje të ndryshme anëtarësimi. Do të duhet të dorëzojnë CV, letër motivimi dhe plan për punë dhe ky është një ndryshim i madh. Ndryshim që ndoshta për një pjesë të madhe të tyre nuk është as detyrim ligjor. Prandaj flas për vlera, standard dhe praktika të reja që kemi vullnet t’i vendosim – tha Lupço Nikollovski, zv/kryeministër për luftë kundër korrupsionit.

Dhjetëra emërime nga Qeveria u bënë vetëm me vendime politike, pa konkurs dhe pa procedurë transparente. Pjesa më e madhe e personave të emëruar janë figura politike të cilat kanë mbajtur pozita të rëndësishme për disa mandate me radhë.

Nikollovski premtoi edhe shfuqizimin e institucioneve të cilat nuk kanë kompetenca të qarta, organeve të dyzuara dhe të panevojshme. Po ashtu u premtua shkurtimi i përfitimeve të funksionarëve dhe racionalizimi i shpenzimeve nga drejtuesit e institucioneve. Edhe në këtë plan, deri tani nuk ka asnjë nismë konkrete.

Fatlume Dervishi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending