Connect with us

Maqedoni

S’ka akoma konkurs për Avokatin e Popullit, Stoillkovski: Avokati, me propozim të opozitës

Published

on


Kuvendi nuk ka filluar akoma procedurat e nevojshme për zgjedhjen e Avokatit të popullit ndërkohë që rrezikohet shkelja e afateve ligjore. Ixhet Memetit i skadon mandati në dhjetor, kurse ligji, tre muaj përpara, parashikon shpalljen e konkursit për avokat të ri nga komisioni kompetent parlamentar. Kjo temë mes partive parlamentare as nuk është diskutuar.

Jo, as nuk ka pasur bisedime, as nuk jemi ftuar për konsultime. Sa i takon qëndrimit tonë, kërkojmë që zgjedhje e avokatit të popullit të jetë me propozim të opozitës, të VMRO-DPMNE-së me arsyetimin e vetem se pushteti dhe instrumentet për drejtësi dhe shtet të së drejtës janë të paaftë nën ombrellën e Zoran Zaevit – deklaroi Naum Stoillkovski, zëdhënës i VMRO-DPMNE-së.

Ajo që është më e rëndësishme është se ky post i takon opozitës, jo vetëm si post por për faktin që do të jetë edhe një mekanizëm për mbrojtjen e të drejtave kushtetuese të të gjithë qytetarëve ku jo rrallë herë ata të drejta shkelen edhe nga vetë pushteti. Pushteti BDI-LSDM i ka pothuajse të gjitha institucionet nën kontroll – tha Skender Rexhepi, Alternativa & Aleanca për Shqiptarët.

Shumica parlamentare nuk komenton. Ndërkohë, agjenda e Kuvendit vazhdon të jetë shumë e varfër edhe pse e presin edhe procedura të tjera shumë të rëndësishme. Po në dhjetor skadon edhe mandati i anëtarëve të KSHZ-së.

Anëtarët aktual u zgjodhën në korrik të 2018-tës, me mandat 6 mujor, për të zbatuar referendumin. Në dhjetor të po të njëjtit vit, atyre ju vazhdua mandati edhe për 2 vite. Premtimet ishin që përbërja e KSHZ-së do të shndërrohej nga politike në përbërje ekspertësh, kurse përzgjedhja do të bëhej gjashtë muaj para çdo cikli zgjedhor. Që atëherë, kjo ide nuk ka parë më dritë. Shumica nuk komenton as për këtë çështje.

Ndërkohë VMRO-DPMNE-ja thotë se nuk ka as bisedime ndërpartiake. Aleanca për Shqiptarët dhe Alternativa mbështesin modelin aktual të përbërjes së KSHZ-së por kërkojnë të kenë brenda përfaqësuesin e tyre.

Me një mekanizëm të tillë, me përfaqësuesin tonë, do të kemi qasje të çdo komisionar dhe do të mund ta mbrojmë votën e lire, jo vetëm të përkrahësve tanë por do të kemi përfaqësues të denjë që do ta mbrojnë votën e lire edhe të qytetarëve të tjerë – u shpreh Skender Rexhepi, Alternativa & Aleanca për Shqiptarët.

Jozyrtarisht, partitë do të duhet të zhvillojnë negociata për të gjitha këto pozita, përfshirë edhe procedurën e ngecur për anëtarët e këshillit programor të Radiotelevizionit Kombëtar, si pjesë e reformave në media, që nuk u zbatua kurrë në tërësi.

Fatlume Dervishi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending