Connect with us

Maqedoni

Situata ekonomike po përkeqësohet edhe në Kërçovë

Published

on


Gjithnjë e më shumë dyqane në Kërçovë po i mbyllin bizneset e tyre. Disa jepen me qira, ndërsa disa prej pronarëve pas mbylljes, nuk kanë ofertë në treg. Shumica e kanë bërë këtë muajt e fundit, pasi pandemia me Kovid- 19 ka filluar të ndikojë seriozisht në punën e tyre. Kamera e Alsat regjistroi këto pamje në disa lokacione të qytetit.

Problem shtesë paraqet edhe mungesa e mërgimtarëve këtë verë.

“Puna ka rënë dhe është katastrofike. Ka rënë 100%. Mërgimtarët nuk erdhën këtë vit. Kriza është e madhe. Pa ata është më vështirë. A ka dyqane përreth që janë mbyllur? Ka. Tek tani po mbyllen. Kjo është. Nuk ka çfarë të bëjmë, vetëm shëndet”, deklaroi Amet Medaroski- pronar i dyqanit, Kërçovë.

Pronarët e agjencive turistike në Kërçovë gjithashtu ankohen. Thonë se askush nuk udhëton, askush nuk bën prenotime dhe ndihma e paralajmëruar nga shteti ende nuk po realizohet.

Orëndreqësi Nurhan Lutfioski, i cili me këtë zeje merret mbi 40 vjet, thonë se nuk mban mend krizë të këtillë deri më tani.

“Merrem me këtë zeje 44 vjet. Në dyqan jam 44 vjet dhe kështu nuk ka qenë kurrë më parë. Kjo është katastrofë. Ne nuk mund t’i mbulojmë më shpenzimet e lëre më të fitojmë. Është tendencë që të mbyllen papritmas”, tha Nurhan Lutfioski- Orëndreqës.

Qyteti është boshatisur. Të rinjtë janë larguar kurse ka traditë që edhe të moshuarit të largohen në perëndim- shprehen banorët.

“Ekonomia lokale në Kërçovës shënon rënie muaj me radhë për shkak të krizës së koronës. Sektori i biznesit dhe qytetarët e Kërçovës, me të cilët bisedoi Alsat, nuk janë optimist se situata do të përmirësohet. Presin që të ritet numri i dyqaneve të mbyllura, por edhe numri i largimeve nga puna”.

Në Kërçovë sipas të dhënave zyrtare për momentin ka 4037 persona të papunë.

“Në Agjencinë e punësimit-Qendra e punësimit Kërçovë, që nga 30.09.2020, janë regjistruar 324 persona të papunë për të cilët ndërprerja gjegjësisht çlajmërimit nga sigurimi i detyrueshëm social është regjistruar në periudhën pas 11.03.2020 do të thotë në periudhën e krizës shkaktuar nga virusi COVID-19”, njoftojnë nga Agjencia e Punësimit.

Nga Agjencia për Alsat shprehen se pjesa më e madhe që kanë statusin të papunë, vijnë nga industria e përpunimit, apo 45%.

Miki Trajkovski

 

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending