Connect with us

Maqedoni

Shuhen shpresat për ndërtimin e shkollës në Idrizovë për këtë vit

Published

on


Ndërtimi i shkollës së premtuar në Idrizovë nuk do të nis këtë vit. Nëse kompletohet dokumentacioni i duhur ndërtimi i shkollës mund të filloj gjatë vitit 2021. Ministrja e Arsimit, Milla Carovska thotë se shkolla në fjalë mund të filloj të ndërtohet në momentin që do të sigurohet leja për ndërtim dhe projekti adekuat.

Nëse kjo shkollë hyn në ato që janë prioritare dhe nëse kjo shkollë ka dokumentacion të plotë me miratim për ndërtim, sigurisht që në vitin 2021 do ta vendosim. Shërbimet janë në komunikim dhe koordinim, në momentin kur unë do të marr përgjigjen po, kjo shkollë është e përgatitur për ndërtim, me projekt dhe leje për ndërtim, në atë moment do të mund të hyj në planin për furnizime publike të Ministrisë së Arsimit”-pohoi Milla Carovska, ministre e Arsimit.

Paralajmërimi i Carovskës ka shqetësuar këshillin e prindërve të fshatit Idrizovë. Këta të fundit kërkojnë që kreu i Gazi Babës, Boris Georgievski t’i qëndroj pas marrëveshjes së arritur me prindërit vitin e kaluar. Mes tjerash, neni 5 i marrëveshjes thotë se nëse shkolla e re nuk ndërtohet deri në shtator të vitit 2020, nxënësit e klasës së shtatë do të kthehen në shkollën “Njegosh” në Jurumleri dhe mësimin të vazhdojnë ta ndjekin në gjuhën shqipe. E njëjta do të vlej edhe për gjeneratat që vijnë, deri në ndërtimin e shkollës së re.

Gjithçka prej saj është e konfirmuar apo është e realizuar përmes një marrëveshje e cila marrëveshje edhe pse është e vulosur me vulën e komunës, e nënshkruar nga kryetari i komunës dhe atë në zyrën e komunës, pra fatkeqësisht jemi duke e parë që ligji nuk funksionon apo nuk respektohet marrëveshja. Nuk është kjo një marrëveshje mes kompanive por është marrëveshje e nj institucioni, është marrëveshje e komunës të një shteti të cilën fatkeqësisht nuk janë duke e respektuar”-tha Bajram Bejta, këshilli i prindërve në Idrizovë.

Vitin e kaluar, Komuna e Gazi Babës pasi refuzoi kërkesën për hapjen e paraleleve shqipe nga klasa e gjashtë deri në të nëntën në shkollën fillore “Njegosh” në lagjen e Jurumlerit, mori vendim për ndërtimin e një shkolle të re në Idrizovë ku do të mësonin të gjithë fëmijët e fshatit.

 

Melihate Rustemi            

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending