Connect with us

Maqedoni

Shteti s’ka fonde për deponitë rajonale

Published

on


Nuk ka fonde në arkën e shtetit për të ndërtuar deponi rajonale, kështu që do të vazhdojnë të përdoren zgjidhjet jo-ekologjike. Pas dështimit të projektit për ndërtimin e një deponie rajonale për pjesën Jugperëndimore në komunën e Debërcës, studimi i fundit i Bankës Evropiane për Rindërtim dhe Zhvillim tregon se zgjidhja më e përshtatshme dhe ekonomike është që të kemi një vendndodhje qendrore për të dy rajonet, në komunën Novaci afër Manastirit, thonë për Alsat nga Ministria e Ekologjisë.

Ministria e Ekologjisë

“Qeveria është ende duke kërkuar fonde për investim. Fondet e Bashkimit Evropian në dispozicion nuk janë të mjaftueshme për të ndërtuar sistemin rajonal … “

Por, ambientalistët thonë se deponitë rajonale duhet të ndërtohen sa më shpejt që të jetë e mundur. Sipas tyre, deponimi i duhur i mbetjeve komunale do të jetë një nga çështjet më të vështira për t’u zgjidhur në procesin e negociatave me BE-në.

“Edhe atje ekziston një hierarki e re në menaxhimin e mbetjeve, që parashikon së pari zvogëlimin e mbetjeve që krijohen, pastaj riciklimin, ripërdorimi dhe në fund të deponohet…”

Aktualisht, deponia Bukovo, ku Ohri mbart mbeturina, është e mbingarkuar dhe shkakton ndotje të ajrit dhe ujërave nëntokësore.

“Është një deponi që daton prej më shumë se 60-70 vjet dhe kapaciteti i saj është i mbushur maksimalisht …”

Edhe deponia jolegale në Strugë është gjithashtu e stërmbushur. Ambientalistët thonë se të gjitha vendet përreth janë përpara nesh. Kryeson Bullgaria, e cila riciklon deri në 70% të të gjitha mbeturinave të krijuara.

Miki Trajkoski

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending