Connect with us

Maqedoni

Shkollat plotësojnë kushtet, MASH nuk jep leje për mësim me prezencë fizike

Published

on


Shkollat periferike “Rada Stojanovska” në Çiflig dhe tjetra në Sveta Petka në Komunën e Sopishtes, janë dy nga 94 institucionet arsimore për të cilat Ministria e Arsimit nuk dha leje për realizim të mësimit me prani fizike. Absurdi, sipas arsimtarit të historisë, Ajrullah Jakupi, qëndron në faktin se nxënësve nga klasa e 4-të deri në të 9-tën u mohohet mundësia që mësimin ta ndjekin në shkollë, ku janë krijuar të gjitha kushtet, sipas protokolleve të Komisionit për Sëmundje Ngjitëse dhe mësimin duhet ta ndjekin online, ndërkohë që në të shumtën e rasteve s’kanë as pajisje dhe as internet.

Në këtë klasë duhet të ndjekë mësimin klasa e tretë dhe e nënta. Klasa e tretë ka 8 nxënës, kurse në klasën e 9-të përsëri 8 nxënës. Siç e shihni edhe vet, për çdo nxënës është përgatitur një bankë, ku duhet të ulën. Mirëpo, ne hasim në problem tek Ministria e cila merr vendim, se kështu duhet të duket një klasë, mirëpo në fund lejohet klasa e 3-të dhe nuk lejohet klasa e 9-të që kanë të njëjtin numër nxënësish. Nuk ka ardhur komision që të shohë gjendjen reale si e kemi, kanë konstatuar pa e parë.”-tha Ajrullah Jakupi, dr.prof i historisë.

Ndihmës drejtori, Xhevahir Jakupi, thotë se janë kujdesur personalisht që çdo pikë e protokollit të respektohet. Madje shton se 4 ditë më parë , kur edhe kanë marrë përgjigje negative, janë ankuar në drejtori dhe Komunë, por nuk kanë asnjë informacion të ri. Ai thotë se klasa e parë ku janë 18 nxënës lejohet të ndjekë mësimin me prani fizike, ndërkohë që klasat me më pak nxënës, jo. Sipas tij ata fëmijët çdo ditë shoqërohen me njëri tjetrin, edhe në rrugë.

Domethënë  nxënësi do të ulet në këtë vend, pastaj nxënësi tjetër do të ulet nga ana tjetër që të ketë distancën e nevojshme. Klasa e parë numëron 19 nxënës, është klasë me më shumë nxënës nga gjitha klasat tjera, mirëpo ministria ka vendos ashtu”-pohoi Xhevahir Jakupi- ndihmës drejtor.

 

Lahina Nuhiu, nxënëse e klasës së 8-të, ka vetëm librat nga të cilat do të mësojë. Për ndjekjen e mësimit online që nuk ka as kompjuter dhe as internet.

“-Çfarë klase je? – E teta. -Ke internet dhe pajisje elektronike në shtëpi? – Jo nuk kemi. As internet, as laptop. Ne nuk mund të mësojmë online. Ne duhet të vijmë në shkollë.”

Leje për ndjekje të mësimit me prani fizike Ministria e Arsimit dhe Shkencës u dha vetëm 223 shkollave fillore, nga gjithsej 325 që aplikuan. 196 prej tyre janë shkolla periferike dhe 27, shkolla qendrore. Leje për realizim të mësimit me prani fizike u dha për një shkollë për fëmijët me me nevoja të posaçme dhe pjesërisht për një shkollë fillore muzike.  14 shkolla të mesme nga gjithsej 27 që kërkuan nuk morën leje për realizim të mësimit me prani fizike për shkak të gjendjes epidemiologjike në komunën ku ndodhen dhe numrit të madh të nxënësve.

Evi Shkopi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending