Connect with us

Maqedoni

Shipkovicë, 11 anëtarë të familjes Ramadani akoma pa kulm mbi kokë

Published

on


Deri para një viti, në këtë shtëpi jetonte familja 11 anëtarëshe Ramadani nga Shipkovica. Zjarri kishte lënë pa kulm mbi kokë familjen Ramadani të cilët u detyruan të jetojnë në shtëpi me qira. Arben Ramadani, i punësuari i vetëm i kësaj familje thotë se Komuna e Tetovës kishte premtuar ndihmë prej 250 mijë denarëve, por për një vit, përpos vendimit nuk kanë marrë asnjë denarë.

Vendimi po, është i bërë për t`i lëshuar të hollat por të holla nuk ka asgjë. Kam një vit që shkoj tek komuna po veç më thonë do shohim, do bëhet por asnjë ndihmë nuk ka nga komuna. Jemi me qira që kur është djegur shtëpia. Ndihmë nga askush nuk kemi, përballemi me skamje, me varfëri, mundohemi ta paguajmë qiranë. T`iu them të drejtën, veç shpirti im e di se si ia dal unë kur vjen muaji për të paguar qiranë, ujin rrymën. Për fëmijët për familjen nuk ngel asgjë -u shpreh Arben Ramadani.

Ndihma e vetme që ka pranuar familja është ajo e shoqërisë, thotë i zoti i shtëpisë, Zulfi Ramadani.

Që atëherë jetoj me qira. Vet s`mbrihet qiraja, 150 euro në muaj e paguaj, paguaj edhe rrymën, ujin, s`di çka të them, na ka ndihmuar edhe shoqëria nga pak me përmbajtje, s`di çka të them – tha Zulfi Ramadani, pronar.

Nga Komuna e Tetovës nuk sqarojnë për vonesat, po thonë se së shpejti familja mjetet do i ketë në xhirollogari.

Bashkim Sulejmani

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending