Connect with us

Maqedoni

Shilegov: Rrënimi i objekteve pas koordinimit mes institucioneve

Published

on


Rrënimi i Portës Triumfale dhe përmendores së Nënë Terezës në sheshin “Maqedonia” duhet bëhet në koordinim mes Qytetit Shkupit, Qeverisë dhe Ministrisë së Kulturës. I pari i qytetit të Shkupit, Petre Shilegov thotë se nevojitet koordinim serioz me qëllim që të mos ketë pasoja juridike dhe buxhetore. Së shpejti pritet edhe dislokimi i anijeve në lumin Vardar.

“Duhet një koordinim serioz mes Qytetit Shkupit, Qeverisë dhe Ministrisë së Kulturës. Janë objekte nën kompetencat e tyre. Ne si Qytet kemi pasur sukses që në 2 nga 3 anijet të gjejmë formulime juridike që të mos ketë komplikime buxhetore. E njëjta do të vazhdojë edhe për të tretën. Së shpejti pritet vendimi gjyqësorë për të tretën dhe do të fillojë dislokimi i tyre”, u shpreh Petre Shilegov, Kryetar i Qytetit të Shkupit.

Rrënimi i objekteve pa leje në Matkë është në procedurë shqyrtimi. Kreu i Sarajit, Blerim Bexheti thotë se nuk ka asnjë pengesë për rrënimin e tyre, por vetëm pasi procedurat përfundojnë në afat kohorë.

“Procedurat janë në Ministrinë për Transport dhe Lidhje dhe i presim vendimet e tyre. Neve kemi kryer obligimet tona, ndërsa tani në ministri palët kanë të drejtë ankese. Nëse mbarojnë të gjitha procedurat sigurisht se do të mund të ndërmerren masa”, tha Blerim Bexheti, Kryetari i Sarajit.

Kërkesa për rrënimin e portës triumfale, përmendoren e Nënë Terezës, si dhe rikthemi i debatit për platformat në Matkë vjen pas rrënimit të objektit para qendrës tregtare Mavrovasja si dhe reagimeve të shumta në opinion se institucionet duhet të veprojmë me urgjencë dhe vendosmëri ndaj të gjitha ndërtimeve pa leje në Shkup dhe qytete tjera.

Adrian Kerimi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending