Connect with us

Bota

SHBA, mundësi për reduktimin e karantinës për të ekspozuarit ndaj koronvirusit – Alsat

Published

on

Qendrat Amerikane për Kontrollin dhe Parandalimin e Sëmundjeve po shqyrtojnë mundësinë e shkurtimit të periudhës që rekomandohet për qëndrimin në karantinë të atyre njerëzve që mund të kenë qenë të ekspozuar ndaj COVID-19-s.

Udhëzimet aktuale rekomandojnë që në rastëe të tilla njerëzit të vetëizolohen për 14 ditë, por një zyrtar tha të martën se periudha mund të shkurtohej nëse personi rezulton negativ gjatë periudhës së izolimit. Ai nuk specifikoi se me sa ditë mund të ulej periudha e izolimit.

Qeveria po punon gjithashtu rreth planeve për të shpërndarë sa më shpejt sasinë e parë të vaksinave kundër koronavirusit, pasi ato të marrin miratimin nga entet rregullatore amerikane.

Të martën zyrtari kryesor i programit të qeverisë të ashtuquajtur “Me shpejtësinë e dritës” Gustave Perna, u tha gazetarëve se deri në fund të dhjetorit do të ishin në dispozicion 40 milionë doza vaksinash të prodhuara nga dy kompani farmaceutike.

Administrata e Ushqimit dhe Barnave pritet të vendosë më 10 dhjetor nëse do të japë miratimin për përdorimin urgjent të vaksinës së kompanisë Pfizer, ndërsa Moderna pritet të aplikojë së shpejti për të marrë miratimin për vaksinën e sak. Të dyja kompanitë kanë publikuar rezultatet paraprake të provave që tregojnë se vaksinat e tyre duket të jenë efektive.

Javën e kaluar qeveria njoftoi autoritetet shtetërore dhe ata të territoreve amerikane, se sa doza vaksinash do të shpërndahen në ciklin e parë dhe ka në plan të lëshojë rekomandime të mëtejshme se kush do të ketë përparësi për t’u vaksinuar në fillim.

Pritet që punonjësit e kujdesit shëndetësor të jenë të parët që do të vaksinohen. Ndërkohë zyrtarët kanë bërë të ditur se deri në prill vaksina do të jetë në dispozicion për të gjithë popullatën amerikane.

Vendi vazhdon të udhëheqë botën për nga numri i përgjithshëm i rasteve të konfirmuara me COVID-19 që nga fillimi i pandemisë dhe ka shënuar një rritje të infeksioneve gjatë muajit të kaluar. Gjatë javës së kaluar u raportuan çdo ditë mesatarisht më shumë se 170 mijë infeksione të reja si dhe 1,500 vdekje. Një numër rekord njerëzish janë aktualisht të shtruar në spital.

Administrata e Ushqimit dhe Barnave dhe zyrtarët në shumë shtete i kanë nxitur njerëzit të mos udhëtojnë me rastin e Ditës së Falënderimeve ose të grumbullohen në pak veta, për të mos ndikuar në rritjen e numrit të infeksioneve.

Kanadaja e festoi ditën e saj të Falënderimeve në fillim të tetorit dhe që nga ajo kohë shifrat e infeksioneve ditore me COVID-19 janë dyfishuar.

Në Japoni, qeveria reduktoi një fushatë të synuar për të rritur turizmin pas një rritje të rasteve me COVID-19 që filluan këtë muaj.

Disa vende evropiane po planifikojnë të lehtësojnë kufizimet përpara festës së Krishtlindjeve. Presidenti francez Emmanuel Macron njoftoi të martën se duke filluar nga e diela, disa dyqane mund të hapen sërish dhe se urdhrat për qëndrimin në shtëpi në nivel kombëtar, të vendosura për të kontrolluar një valë tjetër të pandemisë, do të hiqen më 15 dhjetor.

“Francezët do të jenë në gjendje të udhëtojmë pa marrë autorizim dhe t’i kalojnë Krishtlindjet me familjet e tyre”, tha zoti Macron.

Click to comment

Leave a Reply

Your email address will not be published. Required fields are marked *

Bota

G7 shton kontributin për programin global të vaksinimit – COVAX – Alsat

Published

on

Udhëheqësit e G7-ës janë zotuar të rrisin bashkëpunimin për të luftuar pandeminë dhe të shtojnë kontributin e tyre në kuadër të programit global COVAX për shpërndarjen e vaksinave kundër COVID-19. Në një deklaratë të përbashkët të lëshuar pas një samiti virtual të mbajtur të premten (19 shkurt), udhëheqësit e G7-ës shpallën zotimin për ndarjen e 7.5 miliardë dollarëve.

Vendet e pasura janë nën presion për të siguruar vaksina edhe për vendet e varfëra.

Presidenti amerikan, Joe Biden, ka premtuar 4 miliardë dollarë ndihmë në kuadër të këtij fondi. Më 2021 do të dhurohen 2 miliardë, ndërsa gjatë dy viteve të ardhshme dy miliardë të tjera. Kancelarja gjermane, Angela Merkel tha se vendi i saj do të ndajë 1.2 miliardë dollarë shtesë.

“Pandemia nuk mbaron derisa të gjithë njerëzit në botë të vaksinohen”, u tha ajo gazetarëve. Edhe Bashkimi Evropian ka premtuar se do të shtojë kontributin.

COVAX është një projekt global për blerjen dhe shpërndarjen vaksinave për së paku 20 për qind të popullatës së rrezikuar në secilin vend.

Plani është hartuar për t’iu mundësuar vendeve të varfra të arrijnë hapin në vaksinim, përballë vendeve të pasura.

Vendet e G7-ës janë Shtetet e Bashkuara, Gjermania, Japonia, Britania, Franca, Kanadaja dhe Italia.

Sipas të dhënave të Universitetit Johns Hopkins, me seli në SHBA, deri më tani, të paktën 110 milionë njerëz janë infektuar me koronavirusin e ri dhe më shumë se 2.4 milionë kanë vdekur në gjithë botën.

Continue Reading

Bota

Danimarka forcon kufizimet në kufirin gjerman – Alsat

Published

on

Danimarka do të shtrëngojë kufizimet e saj në kufirin gjerman, pas rritjes së rasteve COVID-19 në një lokalitet në kufi me mbretërinë skandinave, njoftoi sot Ministria daneze e Drejtësisë.

“Për shkak të situatës epidemiologjike në Flensburg (Gjermania veriore), qeveria ka vendosur të rrisë përpjekjet e saj në kufirin Danimarkë-Gjermani, ku policia, ndër të tjera, do të mbyllë një numër vendkalimesh kufitare dhe të kalojë përmes kontrollit të kufirit të intensifikuar në mënyrë të konsiderueshme”, tha ministria në një deklaratë, raporton ATSh.

Që nga mesnata e së shtunës (ora lokale), autoritetet do të mbyllin një duzinë postash kufitare.

Në Gjermani, me të cilën mbretëria ndan gati 70 kilometra kufij tokësorë, kryetarja e Flensburgut, Simone Lange, tregoi se të gjitha infektimet e reja të zbuluara në qytetin e saj ditët e fundit, pra 80, kanë të bëjnë me variantin B.1.1.7 të virusi, që u shfaq në Britaninë e Madhe dhe që konsiderohet të jetë më ngjitës.

Si rezultat, banorët do t’u nënshtrohen kufizimeve më të ashpra me zbatimin e një ndalimqarkullimi nate nga e shtuna, fillimisht për një javë.

Continue Reading

Bota

CNN: Të harruar nga BE, vendet e Ballkanit mbështeten në vaksinën ruse dhe kineze – Alsat

Published

on

CNN i ka kushtuar një analizë të gjatë çështjes së vaksinës dhe faktit që ende nuk është shpërndarë në shumë vende të botës, duke përfshirë këtu dhe Ballkanin Perëndimor.

Në një kohë kur Mbretëria e Bashkuar po feston se 15 milionë persona kanë marrë dozën e parë, ndërsa në BE janë shpërndarë 23 milionë vaksina, shumë vende të tjera europiane nuk kanë marrë asgjë.

Kosova, Mali i Zi dhe Bosnje Hercegovina janë ende në pritje të ngarkesave të para, ndërsa në Shqipëri dhe Maqedoninë e Veriut procesi i vaksinimit deri në këto momente ka qenë i limituar.

Vendet e Ballkanit Perëndimor konsiderohen aleatë kyçë dhe anëtarë të mundshëm në të ardhmen të Bashkimit Europian, por janë lënë jashtë nga plani i bllokut për furnizimin e menjëhershëm me vaksina.

BE ka siguruar deri në këto momente 2.3 miliardë doza vaksina dhe ka premtuar se do të ndajë disa prej tyre me vendet e tjera. Gjithashtu ka caktuar një fond prej 85 milionë dollarësh për rajonin e Ballkanit Perëndimor për të blerë vaksina në një të ardhme, por në një kohë kur shpërndarja ka qenë e ngadaltë dhe me vonesa, këto vende janë akoma në pritje.

Dhe si vende relativisht të pasura, të paktën në kontekstin global, këto vende nuk janë gjithashtu përparësi në programet e hartuara për të ndihmuar vendet më të varfra të botës.

Ato janë bërë pjesë e programit COVAX, i cili ka si qëllim të bëjë më të barabartë aksesin te vaksinat për të gjithë botën, por furnizimi i kufizuar i skemës nënkupton që fokusi i saj kryesor janë 92 vende me të ardhura të ulëta dhe të mesme që nuk mund të përballojnë vaksinat pa financim dhe vendet e Ballkanit Perëndimor nuk janë ndër ato. Si anëtare me vetëfinancim në COVAX, ato do të marrin 850,000 doza të vaksinave të ndryshme, por se kur këto mund të mbërrijnë është e ende paqartë.

Përballë një pritje të gjatë, Serbia mori kontrollin e situatës dhe kërkoi vaksinat diku tjetër. Kina dhe Rusia ishin gati të ndihmonin. Qeveria serbe deri në këto momente ka marrë nga Kina 1.5 milionë doza të vaksinës Sinopharm, duke e katapultuar vendin prej 7 milionë banorësh në krye të garës globale të vaksinimit. Sipas të dhënave zyrtarë rreth 1 milionë qytetarë janë vaksinuar kundër Covid-19 në Serbi që 19 janari, kur nisi dhe zyrtarisht vaksinimi.

Ditët e fundit, Serbia ka ndihmuar dhe disa nga vendet fqinje si Maqedonia e Veriut dhe Mali i Zi, duke iu dhënë atyre dhe disa sasi simbolike vaksinash. Ndërkohë, Bashkimi Europian ka premtuar se do ta ndihmojë rajonin me blerjen e vaksinave antiCovid, por pa dhënë detaje.

Continue Reading

Trending