Connect with us

Bota

Rusia bisedon me Armeninë për zbatimin e marrëveshjes së armëpushimit – Alsat

Published

on

Ministri i Jashtëm rus, Sergei Lavrov dhe ministri i Mbrojtjes, Sergei Shoigu janë takuar në Jerevan me kryeministrin armen, Nikol Pashinian për të biseduar për zbatimin e marrëveshjes së armëpushimit lidhur me luftën në Nagorno Karabak, shkruan REL.

Pashinian citohet të ketë thënë se armenët “gjithmonë e kanë ndjerë mbështetjen e Rusisë” gjatë luftës, përfshirë “mbështetjen” personale të presidentit Vladimir Putin dhe Qeverisë ruse.

Ministri rus i Mbrojtjes, Shoigu i ka thënë Pashinianit se paqeruajtësit rus e vendosur për të monitoruar armëpushimin kanë “mbuluar pothuajse të gjithë territorin” e rajonit të shkëputur azerbajxhanas të Nagorno Karabakut, që prej se më 10 nëntor u arrit marrëveshja e armëpushimit, që u ndërmjetësua nga Rusia.

“Në total prej 23 postblloqesh janë vendosur. Ne po monitorojmë rrugën në Stepanakert”, tha Shoigu, duke iu referuar qytetit më të madh në Nagorno Karabak, që ka më së shumti banorë armenë etnikë.

“Qëllimi ynë kryesor është që të parandalojmë gjakderdhjen”, citohet t’i ketë thënë Shoigu kryeministrit armen, Pashinian.

Në ditët në vijim, ky delegacion i zyrtarëve të lartë rusë, pritet të qëndrojnë edhe në Baku të Azerbajxhanit.

Vizita e delegacionit rus erdhi pasi një ditë më parë, presidenti azerbajxhanas, Ilham Aliyev njoftoi se trupat kanë rimarrë kontrollin e qarkut Agadam, që gjendet në verilindje të Nagorno Karabakut. Rimarrja e këtij qarku, është pjesë e marrëveshjes së armëpushimit.

Agdam dhe shtatë qarqe të tjera të Azerbajxhanit në dhe përreth Nagorno Karabakut, ishin okupuar nga separatistët armenë etnikë, të cilët kanë luftuar me forcat azerbajxhanase që prej fillimit të viteve të 90-ta.

Sipas marrëveshjes së ndërmjetësuar nga Rusia, Azerbajxhani do të marrë nën kontroll të shtatë qarqet, si dhe territoret që forcat azerbajxhanase kanë arritur të marrin në luftimet që nisëm m 27 shtator.

Në luftimet që zgjatën për gjashtë javë, forcat azerbajxhanase kanë arritur të marrin katër qarqe.

Click to comment

Leave a Reply

Your email address will not be published. Required fields are marked *

Bota

Afro 1.5 milionë të vdekur nga COVID 19 në gjithë botën – Alsat

Published

on

Numri i infeksioneve me koronavirus është më shumë se 62 milion në shkallë globale, sipas Universitetit Johns Hopkins. Shetet e Bashkuara kanë më shumë se 13 milion infeksione me COVID-19 – më shumë se në çdo vend tjetër, pasuar nga India me më shumë se 9 milion raste dhe Brazili me 6 milion.

Pothuajse 1.5 milion njerëz në të gjithë botën kanë vdekur nga virusi. SHBA përsëri kryeson listën me më shumë se 266,000 vdekje, pasuar nga Brazili me më shumë se 172,000 vdekje dhe India me gati 137,000, sipas Universitetit Johns Hopkins.

Në Shtetet e Bashkuara, Presidenti i zgjedhur Joe Biden emëroi tre anëtarë të rinj në bordin e tij këshillues për COVID-19.

Zoti Biden shtoi Jane Hopkins, Jill Jim dhe David Michaels për të “konsoliduar punën e bordit dhe për të ndihmuar që të sigurojnë që planifikimi ynë për COVID-19 të adresojë pabarazitë në rezultatet shëndetësore dhe fuqinë punëtore”, tha ai.

Zonja Hopkins është një infermiere e specializuar në shëndetin mendor dhe shërben në grupin e punës të shtetit të Uashingtonit për COVID-19.

Zonja Jim është anëtare e komunitetit Navajo dhe drejtore ekzekutive në departamentin shëndetësor të tij. Ajo është përqendruar në parandalimin e sëmundjeve kronike dhe adresimin e kujdesit shëndetësor dhe pabarazive shëndetësore midis indianëve amerikanë / vendasve të Alaskës.

Prof. Michaels është një epidemiolog dhe profesor i shëndetit mjedisor dhe profesional në Shkollën e Shëndetit Publik të Institutit Milken, të Universitetit George Washington.

Në Britani, kryeministri britanik Boris Johnson po u kërkon ligjvënësve të mbështesin kufizime të reja për të mos mbingarkuar spitalet e vendit para se të miratohet dhe shpërndahet një vaksinë për koronavirusin.

Masat e reja do të vendosnin 99% të vendit nën dy nivelet më të larta të kufizimeve kur rregullat aktuale të skadojnë të martën. Kufizimet e reja do të zgjasin rreth një muaj.

Një numër në rritje i anëtarëve të vetë partisë Konservatore të zotit Johnson janë kundër kufizimeve të reja. Të shtunën, policia e Londrës shpërndau protestat kundër mbylljes dhe kundër vaksinave, duke arrestuar më shumë se 150 vetë.

Qeveria shpreson që një vaksinë, dozat e para të së cilës mund të vihen në dispozicion në spitalet britanike që nga 7 dhjetori dhe testimi masiv mund t’i japë fund nevojës për kufizime. Britania ka pësuar shpërthimin më të keq të COVID-19 në Evropë, me më shumë se 57,000 vdekje të lidhura me virusin, sipas Universitetit Johns Hopkins.

Parlamenti do të votojë të martën mbi kufizimet e reja të zotit Johnson.

Koreja e Jugut ka qenë një nga historitë e suksesit në botë në luftën kundër koronavirusit, por një rritje e fundit e rasteve e ka detyruar vendin të ndalojë festimet e fundvitit, si dhe mësimet e këngës dhe muzikës me instrumente frymore. Koreja e Jugut po mbyll gjithashtu sauna, dhoma me avull dhe disa kafene.

Continue Reading

Bota

Vrasja e shkencëtarit iranian thekson dobësinë në sigurinë e Iranit – Alsat

Published

on

Udhëheqësi suprem i Iranit po kërkon shpagim për vrasjen e shkencëtarit kryesor të lidhur me programin bërthamor të vendit.

Të shtunën, Ajatollah Ali Khamenei bëri thirrje për “ndëshkim përfundimtar” të kujtdo që është përgjegjës për vdekjen e Mohsen Fakhrizadeh, siç tha ai. Vrasja ditën e premte e Mohsen Fakhrizadeh, figura e dytë më e lartë ushtarake iraniane vrarë këtë vit, ka theksuar dobësinë e Teheranit në mbrojtjen e zyrtarëve kryesorë dhe aftësive të kundërshtarëve të tij në eliminimin e tyre, thonë disa analistë.

Irani tha se Mohsen Fakhrizadeh, 59 vjeç, u vra në një sulm të armatosur që ndodhi gjatë ditës. Ai ndodhej në makinë në momentin e sulmit dhe po udhëtonte drejt qytetit verior të Absardit, rreth 90 kilometra në lindje të kryeqytetit të vendit, Teheran. Deri tani askush nuk ka marrë përgjegjësinë për vrasjen e Mohsen Fakhrizadeh, i cili drejtonte Organizatën e Inovacionit dhe Kërkimit në fushën e Mbrojtës pjesë e ministrisë iraniane të Mbrojtjes njohur me akronimin SPND.

Ai kishte udhëhequr më parë një program të fshehtë të armëve bërthamore që Irani nisi në fund të viteve 1980 dhe që me sa duket u braktis në 2003, sipas agjencisë Agjencisë Ndërkombëtare të Energjisë Atomike në varësi të OKB-së.

Presidenti iranian Hassan Rouhani fajësoi Izraelin për vdekjen e shkencëtarit.

Edhe një herë, duart e liga të arrogancës globale dhe mercenarëve zionistë u njollosën me gjakun e një djali iranian“, tha zoti Rouhani gjatë një takimi me anëtarë të kabinetit të tij që u transmetua në televizor, duke përdorur referenca të lidhura me Shtetet e Bashkuara dhe Izraelin.

Disa orë pas sulmit, Pentagoni njoftoi se kishte dërguar sërish në Lindjen e Mesme aeroplanmbajtësen USS Nimitz, një lëvizje e pazakontë pasi transportuesi amerikan i kishte shpenzuar tashmë disa muaj në rajon. Pentagoni përmendi tërheqjen e forcave amerikane në Afganistan dhe Irak si arsye mbi këtë vendim, duke thënë “ishte një veprim i kujdesshëm që të kishte aftësi shtesë mbrojtëse në rajon për t’u përballur me çdo situatë të paparashikuar”.

Sulmi vjen disa ditë para 10-vjetorit të vrasjes së shkencëtarit bërthamor iranian Majid Shahriari, për të cilin Teherani fajësoi gjithashtu Izraelin. Kjo vrasje e të tjera ndaj personave të vendosur nën shënjestër, ndodhën gjatë një periudhe kur i ashtuquajturi virus Stuxnet, që besohet të ishte një krijim izraelo-amerikan, shkatërroi centrifugat iraniane.

Sulmet ndodhën në kulmin e frikës së Perëndimit mbi programin bërthamor të Iranit. Teherani ka insistuar gjatë se programi i tij berthamor është paqësor. Fakhrizadeh udhëhoqi të ashtuquajturin program AMAD të Iranit që Izraeli dhe Perëndimi kanë pohuar se ishte një operacion ushtarak, duke parë mundësinë e ndërtimit të një arme bërthamore. Agjencia Ndërkombëtare e Energjisë Atomike thotë se “programi i strukturuar” përfundoi në 2003.

Vrasja e Mohsen Fakhrizadeh vjen rreth 11 muaj pas një sulm ajror amerikan në Bagdad më 3 janar gjatë të cilit u vra komandanti më i lartë ushtarak i Iranit, Qassem Soleimani. Uashingtoni e quajti sulmin një operacion me qëllimin për të mbrojtur personelin amerikan jashtë vendit nga Qassem Soleimani, i cili drejtonte Gardën Revolucionare Islamike të Iranit, e përcaktuar nga SHBA si organizatë e huaj terroriste.

Duke folur për shërbimin Persian të Zërit të Amerikës, eksperti i sigurisë për Lindjen e Mesme Thomas Juneau, profesor në Universitetin të Otavës, tha se vrasjet e Mohsen Fakhrizadeh-it dhe Qassem Soleimani-t përfaqësojnë dështime serioze të sigurisë të udhëheqjes iraniane.

“Duhet të supozojmë se të dy këta persona ndodheshin nën një mbrojtje shumë të fortë nga ana e regjimit iranian”, tha zotit Juneau.

Ai tha se vrasjet gjithashtu nxjerrin në pah pikat e forta të kundërshtarëve të Iranit.

Kushdo që ishte përgjegjës për vrasjen e Mohsen Fakhrizadeh-it, tregoi një shkallë të lartë aftësie duke kryer operacionin në periferi të kryeqytetit gjatë ditës dhe në rrugë ndërsa ai supozohej të ishte nën mbrojtje“, tha zoti Juneau.

Ndërsa, vrasja e Qassem Soleimani-t ishte rezultat i përkushtimit të jashtëzakonshëm të energjisë e burimeve nga ana e SHBA për ta ndjekur atë dhe për të dëgjuar bisedat e tij si dhe për të ditur se me çfarë merrej”, shtoi ai.

Irani i drejtuar nga islamistët, e që mohon të ketë pasur ndonjëherë qëllime për të prodhuar armë bërthamore, fajësoi për vrasjen e Fakhrizadeh armikun e tij rajonal Izraelin dhe kërcënoi me hakmarrje të ashpër. Izraeli, shkatërrimin e të cilit Teherani e ka mbështetur prej kohësh, nuk ka bërë asnjë koment. Shteti hebre dhe aleati i tij kryesor, Shtetet e Bashkuara, nuk i kanë përjashtuar veprimet ushtarake për të parandaluar Iranin që të prodhojë armë bërthamore.

Continue Reading

Bota

Evropa regjistron 400 000 viktima nga koronavirusi – Alsat

Published

on

Evropa ka regjistruar mbi 400,000 viktima me koronavirus, prej kur ka shpërthyer pandemia, ndërkohë që disa pjesë të kontinentit kanë nisur të lirohen nga kufizimet apo masat e izolimit.

– Advertisment –

Tetë muaj prej kur është shpallur pandemia, autoritetet evropiane kanë konfirmuar 400,949 viktima me koronavirus, bazuar në Qendrën Evropiane për Parandalimin dhe Kontrollin e Sëmundjeve.

Pesë shtetet që kanë raportuar më së shumti vdekje janë: Mbretëria e Bashkuar (57,551), Italia (53,677), Franca (51,914), Spanja (44,668), dhe Rusia (39,068).

Pandemia del nga kontrolli në SHBA

Përgjatë Atlantikut, Shtetet e Bashkuara kanë prekur shifrën e 4 milionë të prekurve me koronavirus në muajin nëntor, më shumë se dyfish në krahasim me shifrat e muajit tetor.

Teksa virusi vazhdon të përhapet në Shtetet e Bashkuara, vdekjet janë duke arritur në 1,500 në baza ditore.

Prej fillimit të pandemisë, autoritetet amerikane kanë regjistruar më shumë se 266,000 viktima me sëmundjen COVID-19, që shkakton koronavirusi.

Ndërkohë, numri i të hospitalizuarve ka arritur në 90,000 për herë të parë, çka ka shtyrë shumë shtete dhe qytete që të rrisin masat kufizuese.

“Jemi duke bërë rrumbullakësim fatkeq”, ka thënë mjekja Leana Wen, profesoreshë në Universitetin George Washington, për kanalin televiziv, CNN.

“Shumë shpejt do të tejkalojmë shifrën e më shumë se 2,000 vdekjeve, ndoshta edhe 3,000 apo 4,000 çdo ditë këtu në SHBA”.

“Kemi tre deri në katër muaj të gjatë të dimrit përpara nesh”

Ndonëse përhapja e virusit është duke u ngadalësuar, falë kufizimeve të ashpra në Evropë, ky kontinent vazhdon të jetë në qendër të pandemisë, duke regjistruar më shumë raste sesa SHBA-ja, javën e kaluar.

Në Gjermani, kancelarja Angela Merkel ka thënë se pavarësisht valës së dytë të pandemisë dhe kufizimeve të reja, ky shtet ka kaluar “rrugë të gjatë” prej kur ka shpërthyer virusi në Evropë, në fillim të këtij viti.

“Sot ne dimë më shumë për mënyrat e infektimit, për mënyrat e mbrojtjes së vetes, për simptomat dhe mundësitë e trajtimit”, ka thënë ajo.

Teksa vala e dytë dhe tretë godasin hapësira të mëdha në botë, shpresat tani janë përqendruar në vaksinat e reja, të zhvilluara në Perëndim, të cilat mund të nisin të prodhuari në dhjetor dhe të jenë të qasshme për publikun e gjerë në mesin e vitit 2021.

Meqë vaksinat janë disa muaj larg shpërndarjes masive, ministri gjerman i Ekonomisë, Peter Altmaier, ka thënë se masat e izolimit të pjesshëm në ekonominë më të madhe në Evropë, mund të shtyhen deri në pranverën e vitit të ardhshëm, nëse infektimi nuk kontrollohet.

“Ne kemi tre deri në katër muaj të gjatë të dimrit përpara nesh”, ka thënë Altmaier për Die Welt.

“Është e mundshme që kufizimet të zbatohen deri në muajt e parë të vitit 2021”, ka thënë ai.

Gjermania ka vendosur masa të kufizimit në fillim të muajit nëntor, që kanë rezultuar me mbyllje të bareve dhe restoranteve, ndonëse shkollat dhe dyqanet kanë mbetur të hapura.

Autoritetet gjermane këtë javë kanë shtyrë masën e izolimit të pjesshëm deri më 20 dhjetor, mirëpo shteti fqinj Franca ka nisur rihapjen e pjesshme më 27 nëntor.

Dyqanet kanë nisur të shesin mallra jo të domosdoshme pasi autoritetet këtë javë kanë njoftuar se masat e izolimit mund të hiqen më 15 dhjetor nëse përmirësohen shifrat e infektimit.

Veprime të ngjashme janë marrë edhe në Poloni, Holandë, Mbretëri të Bashkuar, Belgjikë, disa pjesë të Italisë dhe gjithandej në Evropë, ndonëse shumë kufizime vazhdojnë të aplikohen, për shkak të shifrave shqetësuese.

Ndërkohë, në Alpet franceze, protestat janë mbajtur për mbyllje të qendrave të skijimit, restoranteve dhe bareve, gjatë sezonit dimëror.

Në Lodër, policia britanike ka arrestuar mbi 150 persona, në një protestë kundër kufizimeve të lidhura me koronavirus.

Continue Reading

Trending