Connect with us

Maqedoni

Raporti i KE-së lexohet ndryshe nga pushteti e ndryshe nga opozita

Published

on


Raportin e KE-së interpretohet ndryshe nga pushteti dhe ndryshe nga opozita. Sipas LSDM-së, KE-ja ka vlerësuar progres në gjyqësor e në luftën kundër korrupsionit, por sipas VMRO DPMNE-së, në këtë dokument nuk theksohet askund përparim i vërtetë. E për situatën reale akuzojnë njëra tjetrën.

“Kemi sundim të ligjit që uzurpohet për interesat e një partie ose koalicioni. Kemi anarki. Pandëshkueshmëria, qasja selektive, revanshizmi politik dhe presionet e përditshme na tregojnë se sistemi gjyqësor është në kolaps të tërësishëm. Jo vetëm 100 ditët e para, kanë kaluar 4 vjet por Qeveria e LSDM-së nuk ka ndryshuar asgjë”, deklaroi Ruzhica Nikollovska, VMRO DPMNE.

“Drejtësia “Svarovski”, ai erozion që i ndodhi sistemit gjyqësor ka pasoja edhe sot. Nuk mund të prisni ajo situatë të tejkalohet menjëherë dhe vetëm me sjellje të ligjeve, por duhet të fillohet prej aty”, tha Snezhana Kaleska, LSDM.

Në emisionin “Rruga Drejt…”, zv/ministri i Drejtësisë, Nuhiu insistoi se vetingu është zgjidhja më e shpejtë për pastrimin e gjyqësorit dhe kthimin e besimit të qytetarëve.

“Janë të pamjaftueshme masat e parapara në srategjinë dhe planin aksional, sepse aty dominojnë më shumë atributet e një reformimi evolutiv të sistemit të prokurorisë dhe gjyqësisë. Me qëllim që të përshpejtohet ky proces reformues ne jemi të përcaktuar për Ligjin për veting”, u shpreh Agim Nuhiu, Zv/ministër i Drejtësisë.

Raporti i KE-së vlerëson se vendi është mesatarisht i përgatitur në sferën e gjyqësorit dhe luftës ndaj korrupsionit. KE pret verifikim të profesionalizmit të gjykatësve dhe prokurorëve publik, funksionim të sistemit AKMIS, transferim të lëndëve të filluara nga Prokuroria e shuar Speciale në Prokurorinë e rregullt, dënime përfundimtare për rastet e korrupsionit të profilit të lartë me konfiskim të pasurive të paligjshme.

Anesa Salihu

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending