Përmes ndryshimeve ligjore, 1,100 punëtor të falimentuar do të marrin ndihmën financiare shtetërore. Qeveria miratoi vendim me të cilin ish-punëtorët, me të paktën 14 vjet përvojë pune në kompani shtetërore, duhet të marrin ndihmë mujore prej 9,242 denarëve. Këto ndryshime në Ligjin e Sigurisë Materiale të të papunëve duhet të marrin dritën jeshile në Kuvend.
Në ditën e dorëzimit të kërkesës, personi i papunë duhet të jetë i moshës 52 vjeçe për gra dhe 55 vjeç për burrë. Të ketë të drejtë për kompensim në të holla pas 1 janari 1993 dhe nga 31 dhjetori 2020 deri në hyrjen në fuqi të këtij ligji, të mos ketë pasur marrëdhënie pune – u shpreh Jagoda Shahpaska- ministre e punës dhe politikës sociale.
Sipas informatave, këto para të falimentuarit do t’i marrin deri në pensionimin e tyre ose deri në punësimin e serishëm. Njëri nga kushtet e deritanishme ishte që stazhi të jetë të paktën 15 vjet. Kompensim financiar deri në shkuarje në pension për momentin marrin 13 mijë të falimentuar.
Ile Petrevski