Connect with us

Bota

Qeveria gjermane kërkon vigjilencë maksimale përballë Coronas

Published

on


Përballë rritjes së numrit të infektimeve me Corona, qeveria federale gjermane ka bërë thirrje për vigjilencën më të madhe të mundshme. Zëdhënësi i qeverisë, Steffen Seibert tha se aktualisht kemi një numër gjithnjë e më të madh infektimesh dhe se përgjegjës për këtë nuk janë më kryesisht njerëzit që kthehen nga pushimet.

Duke pasur parasysh vjeshtën dhe dimrin, duhet menduar me kujdes çdo hap. Seibert nuk tha se çfarë do të thotë kjo për tregjet e Krishtlindjeve. Për sezonin e dimrit, Ministri Federal i Shëndetësisë, Jens Spahn dëshiron të ngrejë të ashtuquajtura klinika të specializuara dhe klinika të etheve në të gjithë vendin, të destinuara për njerëzit që, për shembull, kanë kollë, dhimbje të fytit ose simptoma të tjera tipike të Coronas. Përveç kësaj, duhet të ketë më shumë teste në seri për banorët dhe punonjësit në strehimet për të moshuarit.

Këtu është fjala për pika fokale jashtë klinikave të zakonshme ose në formën e klinikave të specializuara, shpjegoi Spahn në Deutschlandfunk. Pika të ngjashme fokale ka pasur në pranverë, kur numrat e infektimit me Corona në Gjermani arritën kulmin. Për shembull, një sallë ekspozite e papërdorur në Freiburg ose një qendër në Greifswald. Me caktimin e dritareve të sakta kohore për pacientët dhe me veshje mbrojtëse, edhe atëherë synime ishte që të parandalonin që vetë sistemi shëndetësor të bëhej burim i infektimit – për shembull përmes infektimit në dhomën e pritjes.

Ministri i Shëndetësisë tha tani se ai e përfytyron shumë mirë vazhdimin e kësaj praktike edhe përtej kohërave të Coronas, por kjo është veçanërisht e rëndësishme në këtë sezon vjeshtë e dimër.

“Niveli më i lartë i vigjilencës vlen akoma”

Sipas Spahnit, duhet të ketë masa të veçanta për të minimizuar rreziqet për grupet veçanërisht në rrezik. “Rëndësi ka që ne të vazhdojmë të mbrojmë grupet veçanërisht të rrezikuara dhe të përmirësojmë për këtë konceptet në jetën e përditshme,” tha politikani i CDU.

Kështu për shembull, testet seriale parandaluese në zona delikate, siç janë azilet e pleqve duhet të bëhen pjesë integrale e strategjisë së provave për vjeshtën dhe dimrin. “Atje duhet të parandalojmë hyrjen e virusit. Niveli më i lartë i vigjilencës vlen akoma.”

Ministri i Shëndetësisë njoftoi më tej se dëshiron të zhvillojë më tej strategjinë për testet e Coronas në koordinim me landet federale deri në mes të tetorit. Riorganizimi i strategjisë së testimit tashmë ka nisur. Janë planifikuar teste të shpejta të antigjenit, si dhe orientime të reja për kohën e karantinës për të kthyerit nga zonat e rrezikuara.

Një e treta e të gjitha testeve në katër javët e fundit

Në katër javët e kaluara, kapaciteti i testimeve në Gjermani është rritur jashtëzakonisht shumë. Sipas Spahn-it, rreth një e treta e të gjitha testeve që nga fillimi i pandemisë janë bërë gjatë kësaj periudhe. Sipas Ministrisë së Shëndetësisë, janë kryer 1.12 milionë teste brenda një jave.

Në fundjavë, numri i të infektuarve u rrit në me 2.300 raste brenda ditës. Ministri i Shëndetësisë e komentoi këtë me shqetësim, por në të njëjtën kohë vuri në dukje se sistemi shëndetësor mund ta përballojë mirë situatën aktuale.

Disa qytete dhe rrethe kohët e fundit e kanë kapërcyer kufirin kritik për infektime të reja me më shumë se 50 raste për 100.000 banorë brenda shtatë ditësh. Ndër to bëjnë pjesë Mynihu, Würzburgu dhe rrethi i Cloppenburgut.

Click to comment

Leave a Reply

Your email address will not be published. Required fields are marked *

Bota

G7 shton kontributin për programin global të vaksinimit – COVAX – Alsat

Published

on

Udhëheqësit e G7-ës janë zotuar të rrisin bashkëpunimin për të luftuar pandeminë dhe të shtojnë kontributin e tyre në kuadër të programit global COVAX për shpërndarjen e vaksinave kundër COVID-19. Në një deklaratë të përbashkët të lëshuar pas një samiti virtual të mbajtur të premten (19 shkurt), udhëheqësit e G7-ës shpallën zotimin për ndarjen e 7.5 miliardë dollarëve.

Vendet e pasura janë nën presion për të siguruar vaksina edhe për vendet e varfëra.

Presidenti amerikan, Joe Biden, ka premtuar 4 miliardë dollarë ndihmë në kuadër të këtij fondi. Më 2021 do të dhurohen 2 miliardë, ndërsa gjatë dy viteve të ardhshme dy miliardë të tjera. Kancelarja gjermane, Angela Merkel tha se vendi i saj do të ndajë 1.2 miliardë dollarë shtesë.

“Pandemia nuk mbaron derisa të gjithë njerëzit në botë të vaksinohen”, u tha ajo gazetarëve. Edhe Bashkimi Evropian ka premtuar se do të shtojë kontributin.

COVAX është një projekt global për blerjen dhe shpërndarjen vaksinave për së paku 20 për qind të popullatës së rrezikuar në secilin vend.

Plani është hartuar për t’iu mundësuar vendeve të varfra të arrijnë hapin në vaksinim, përballë vendeve të pasura.

Vendet e G7-ës janë Shtetet e Bashkuara, Gjermania, Japonia, Britania, Franca, Kanadaja dhe Italia.

Sipas të dhënave të Universitetit Johns Hopkins, me seli në SHBA, deri më tani, të paktën 110 milionë njerëz janë infektuar me koronavirusin e ri dhe më shumë se 2.4 milionë kanë vdekur në gjithë botën.

Continue Reading

Bota

Danimarka forcon kufizimet në kufirin gjerman – Alsat

Published

on

Danimarka do të shtrëngojë kufizimet e saj në kufirin gjerman, pas rritjes së rasteve COVID-19 në një lokalitet në kufi me mbretërinë skandinave, njoftoi sot Ministria daneze e Drejtësisë.

“Për shkak të situatës epidemiologjike në Flensburg (Gjermania veriore), qeveria ka vendosur të rrisë përpjekjet e saj në kufirin Danimarkë-Gjermani, ku policia, ndër të tjera, do të mbyllë një numër vendkalimesh kufitare dhe të kalojë përmes kontrollit të kufirit të intensifikuar në mënyrë të konsiderueshme”, tha ministria në një deklaratë, raporton ATSh.

Që nga mesnata e së shtunës (ora lokale), autoritetet do të mbyllin një duzinë postash kufitare.

Në Gjermani, me të cilën mbretëria ndan gati 70 kilometra kufij tokësorë, kryetarja e Flensburgut, Simone Lange, tregoi se të gjitha infektimet e reja të zbuluara në qytetin e saj ditët e fundit, pra 80, kanë të bëjnë me variantin B.1.1.7 të virusi, që u shfaq në Britaninë e Madhe dhe që konsiderohet të jetë më ngjitës.

Si rezultat, banorët do t’u nënshtrohen kufizimeve më të ashpra me zbatimin e një ndalimqarkullimi nate nga e shtuna, fillimisht për një javë.

Continue Reading

Bota

CNN: Të harruar nga BE, vendet e Ballkanit mbështeten në vaksinën ruse dhe kineze – Alsat

Published

on

CNN i ka kushtuar një analizë të gjatë çështjes së vaksinës dhe faktit që ende nuk është shpërndarë në shumë vende të botës, duke përfshirë këtu dhe Ballkanin Perëndimor.

Në një kohë kur Mbretëria e Bashkuar po feston se 15 milionë persona kanë marrë dozën e parë, ndërsa në BE janë shpërndarë 23 milionë vaksina, shumë vende të tjera europiane nuk kanë marrë asgjë.

Kosova, Mali i Zi dhe Bosnje Hercegovina janë ende në pritje të ngarkesave të para, ndërsa në Shqipëri dhe Maqedoninë e Veriut procesi i vaksinimit deri në këto momente ka qenë i limituar.

Vendet e Ballkanit Perëndimor konsiderohen aleatë kyçë dhe anëtarë të mundshëm në të ardhmen të Bashkimit Europian, por janë lënë jashtë nga plani i bllokut për furnizimin e menjëhershëm me vaksina.

BE ka siguruar deri në këto momente 2.3 miliardë doza vaksina dhe ka premtuar se do të ndajë disa prej tyre me vendet e tjera. Gjithashtu ka caktuar një fond prej 85 milionë dollarësh për rajonin e Ballkanit Perëndimor për të blerë vaksina në një të ardhme, por në një kohë kur shpërndarja ka qenë e ngadaltë dhe me vonesa, këto vende janë akoma në pritje.

Dhe si vende relativisht të pasura, të paktën në kontekstin global, këto vende nuk janë gjithashtu përparësi në programet e hartuara për të ndihmuar vendet më të varfra të botës.

Ato janë bërë pjesë e programit COVAX, i cili ka si qëllim të bëjë më të barabartë aksesin te vaksinat për të gjithë botën, por furnizimi i kufizuar i skemës nënkupton që fokusi i saj kryesor janë 92 vende me të ardhura të ulëta dhe të mesme që nuk mund të përballojnë vaksinat pa financim dhe vendet e Ballkanit Perëndimor nuk janë ndër ato. Si anëtare me vetëfinancim në COVAX, ato do të marrin 850,000 doza të vaksinave të ndryshme, por se kur këto mund të mbërrijnë është e ende paqartë.

Përballë një pritje të gjatë, Serbia mori kontrollin e situatës dhe kërkoi vaksinat diku tjetër. Kina dhe Rusia ishin gati të ndihmonin. Qeveria serbe deri në këto momente ka marrë nga Kina 1.5 milionë doza të vaksinës Sinopharm, duke e katapultuar vendin prej 7 milionë banorësh në krye të garës globale të vaksinimit. Sipas të dhënave zyrtarë rreth 1 milionë qytetarë janë vaksinuar kundër Covid-19 në Serbi që 19 janari, kur nisi dhe zyrtarisht vaksinimi.

Ditët e fundit, Serbia ka ndihmuar dhe disa nga vendet fqinje si Maqedonia e Veriut dhe Mali i Zi, duke iu dhënë atyre dhe disa sasi simbolike vaksinash. Ndërkohë, Bashkimi Europian ka premtuar se do ta ndihmojë rajonin me blerjen e vaksinave antiCovid, por pa dhënë detaje.

Continue Reading

Trending