Connect with us

Maqedoni

Qendra skijimit “Kozhuf”, në falimentim prej 4 vitesh

Published

on


I ngjitën majat më të larta botërore, por jo edhe të gjitha atraksionet turistike malore të vendit. Shoqatat për turizëm malor ankohen për mungesën e infrastrukturës së duhur për të realizuar turizmin në mal apo edhe sportet ekstreme. Një pikë e tillë turistike është edhe Qendra e skijimit në Malin Kozhuf në afërsi të Gjevgjelisë. Shoqatat thonë se shteti ka lënë pas dore qendrat e skijimit, teleferikët, shtigjet e ecjeve dhe të ngjashme. Armend Luta nga “Peaktrip” tha se qeveria e kaluar harxhoi miliona euro kot në një mal ku klima është e ngrohtë dhe periudha për turizëm dimëror është shumë e shkurtë.

“Autoritetet atje dhe këto qeveritare nuk i morën parasysh vlerësimet e ekspertëve që ato para të zhvillohen në qendrat tjera ku ka më shumë kapacitet si Kodra e Diellit apo Pelisteri ku bora mbanë më gjatë. Mesa di unë vetëm rruga prej në Gjevgjeli deri në qendrën turistike ishte diku afër 90 kilometra, u harxhuan miliona dhe e gjithë ky ishte një projekt i dështuar”, deklaroi Armend Luta, Shoqata “Peaktrip”.

Në promovimin e atëhershëm ishte teleferiku i parë në Ballkan me 6 ulëse që e ndërtoi kompania austriake deri në majën më të larë “Zelen breg” prej 2176 metra. Me gjithë rrugën e asfaltuar nga Gjevgjelia deri tek teleferiku, taksapaguesve u kushtoi hiç më pak se 9 milion euro. Sot, në malësinë e Kozhufit që lidhet me brezin e gjelbër të kufirit jugor gjithçka ka mbetur si e lënë pas dore. Nga Komuna e Gjevgjelisë thonë se kompania private që kishte marr me koncesion këtë pikë turistike është në procedurë falimentimi prej 4 vitesh.

“Atëherë privati kishte një ide biznesi me vendosjen e teleferikut dhe zhvillimin e qendrës turistike të Kozhufit, iniciativë e cila për tre vitesh ishte në funksion. Vinin njerëz nga e gjithë Maqedonia, bënin skijim, kishte vikend shtëpiza, hotele e restorante. Por, e njëjta falimentoi para katër vitesh”, tha Sasho Pockov, Kryetar i Komunës së Gjevgjelisë.

Arsye e dështimit sipas autoriteteve komunale ishte koncepti megaloman i investitorit që zaptoi të gjithë territorin me pretendimin se do të tërheqë investitorë të huaj deri në 70 milion euro. Për të rikthyer turistët fqinjë në malet e Kozhufit, autoritetet qendrore kanë në plan të hapin një pikë të re kufitare lokale me Greqinë, që parashihet edhe në Marrëveshjen e Prespës.

Adnan Qaili

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending