Connect with us

Maqedoni

Punësimet, Zaev: Të mos keqpërdoret përkatësia etnike, zaptuesit e 20 % të largohen nga puna

Published

on


Të gjitha vendet e punës së zaptuara në institucionet shtetërore, duke u deklaruar rrejshëm në përkatësi tjetër etnike duhet të anulohen, paralajmëroi kryeministri Zaev. Ai tha se vet asnjëherë nuk do të manipulonte me të dhëna personale për të zënë një vend pune në emër të 20%. Zaev tha se në çdo keqpërdorim të tillë ka intervenuar për të korrigjuar, por në praktikë ka shumë.

Jo, unë jam maqedonas dhe gjithmonë do të deklarohem si maqedonas. Nuk ka nevojë për kurrfarë manipulimi të të dhënave, apo prononcimi të rrejshëm. Sepse nëse kemi shqiptar që është prononcuar si maqedonas apo maqedonas që është deklaruar si shqiptarë, apo nuk e di turku si rom atëherë kjo është mashtrim me të dhënat për të arritur një qëllim, që nënkupton më herët apo më vonë do të vërtetohet. Kudo që kam dëgjuar menjëherë kam intervenuar, kjo nuk guxon të keqpërdoret, duhet të korrigjohet duke u anuluar menjëherë – tha Zoran Zaev, Kryeministër i RMV-së.

Deputetja e VMRO DPMNE-së Gordana Silajnovska tha se duhet seriozisht të veprohet ndaj këtij fenomeni që do të ketë pasoja. Ajo tha se etnitetit duhet të jetë kriter plotësues, por jo bazik.

Nëse kombi është bashkësi imagjinare, secili mund të deklarohet si të dojë, madje edhe ta ndryshoj përkatësinë etnike. Por, deri në çfarë derexhe kanë arritur njerëzit!? Për të realizuar të drejtën e tyre të garantuar për punë, ku sipas Nenit 9 të Kushtetutës të gjithë janë të barabartë pavarësisht përkatësisë etnike, ata duhet ta ndërrojnë statusin etnik formalisht, për ta realizuar këtë të drejtë – tha Gordana Siljanovska-Davkova, deputete VMRO DPMNE.

Arbër Ademi nga BDI, parti e cila më shumë se një dekadë është në pushtet thotë se kjo çështje duhet të rregullohet me ligj.

Unë mendoj se më tepër duhet të punohet në gjetjen e zgjidhjeve ligjore, jo në kuadër të Ligjin për parandalimin dhe mbrojtjen nga diskriminimi, por të ligjeve të tjera që rregullojnë krijimin e marrëdhënieve të punës duke respektuar përfaqësimin e drejtë dhe adekuat. Institucionet shtetërore qeverisëse, përfshirë këtu edhe Kuvendin do të ndërmarrin hapa konkret -deklaroi Arbër Ademi, deputet i BDI-së.

Pyetëm në Ministrinë e Shoqërisë Informative dhe Administratës se cilat janë këto ndryshime ligjore, të cilat do ta ndalonin këtë keqpërdorim, por Ministri Jeton Shaqiri nga radhët e BDI-së nuk u përgjigj. Punësime të vetë deklaruarve si shqiptarë ditëve të fundit ka pasur edhe në disa Institucione.

Adnan Qaili

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending