Connect with us

Business

Prioritet hapja e vendeve të reja të punës dhe ulja e papunësisë – ALSAT-M

Published

on


Kthim sa më të shpejtë në rrugën e cila do të sjellë rritje solide ekonomike, me shkallë prej 4-5 për qind, rroga dinjitoze, krijim të vendeve të punës, ulje të papunësisë. Këto janë disa nga prioritetet e misionit të mandatit të ministrit të Financave, Fatmir Besimi.

“Ne si ministri e financave qëndrojmë së bashku përball një sfide, do të bëjmë përpjekje që në mënyrë të suksesshme të kalojmë të gjitha ndikimet që ka kjo krizë në ekonominë tonë. Jemi në krizën më të madhe ekonomike që përfshinë gjeneratën tonë. Kjo krizë është e përfshire në nivel botëror. Detyra jonë është që sa më parë të kthehemi në një rrugë që do të sjell një ekonomi solide me paga më të madha, hapje të vendeve të reja të punës dhe uljen e papunësisë”, deklaroi Fatmir Besimi, ministër i financave duke shtuar se krijimi i vendeve të reja të punës dhe ulja e papunësisë, do të jenë prioriteti kryesor në mandatin e tij si përfaqësues i qeverisë dhe si i pari i Ministrisë së Financave.

“Do të punojmë në mënyrë transparente dhe do të bashkëpunojmë ngushtë me Odat Ekonomike”, tha Besimi duke shtuar se gjendja ekonomike është serioze, por që sipas tij zgjidhje ka.

Alsat