Connect with us

Maqedoni

“Pollog, mbi 80% e mësimdhënësve s’kanë pajisje”

Published

on


Qindra punonjës në arsim dhe nxënës të rajonit të Pollogut do të mbeten jashtë Platformës për mësim nga distanca për shkak të pamundësisë për tu furnizuar me pajisje teknologjike. Teuta Sejfullai, mësimdhënëse dhe kryetare e Sindikatës rajonale të Arsimit tha për Alsat se është e vështirë që viti shkollor të filloj i kompletuar ashtu siç kërkohet nga Ministria e Arsimit.

“Për momentin, nuk besoj se të gjithë arsimtarët janë të furnizuar. Është pak rëndë që të fillohet më 1 Tetor me Platformën online. Kjo është gjendja aktuale në rajonin e Pollogut, flas për mbi 80 %. Kërkesat urgjente nga kontaktet me drejtor, me arsimtarë, me prind është furnizimi me mjetet elektronike, me laptop, me kompjuter ose tablet. Këto janë kërkesa primare dhe shumë me rëndësi për tu vijuar mësimi”.

Sipas Sjefullait ankesat më të mëdha kanë të bëjnë edhe me kohën e shkurtër të trajnimit të për mësim “online”.

“Ka elemente të reja, ballafaqohemi më gjëra të reja që është dashur të paktën një javë arsimtarët të trajnohen e jo dy ditë ose tre ditë. Sadopak arsimtarët janë trajnuar dhe kanë disa njohuri por nxënësit dhe prindërit si do kyçen do mbetet një pikëpyetje e madhe, po edhe në kokën tonë ka shumë pikëpyetje se si do të fillojmë”.

Ministria e Arsimit sot nuk zbuloi listën e grupit të dytë të shkollave që do të marrin dritë jeshile për mësim me prezencë fizike, pavarësisht paralajmërimeve. Nga dikasteri i Arsimit thanë se Komisioni vazhdimisht po shqyrton kërkesat e arritura nga shkollat dhe për të njëjtat do të vendos Qeveria.

Melihate Rustemi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending