Connect with us

Showbiz

Përse Demi Lovato i dha fund fejesës së saj me Max Ehrich pas dy muajsh?

Published

on

Demi Lovato dhe Max Ehrich dukeshin si një dyshe perfekte në karantinë, por vetëm dy muaj pas fejesës së tyre, ata u ndanë.

Telashet mes çiftit filluan kur atyre iu desh të fillonin punën sërish, por burime pranë E!News thonë se këngëtarja e “OK Not to be OK” e ka humbur besimin tek ai dhe se familja e miqtë e saj të ngushtë e paralajmëruan për këtë.

Aktorët filluan lidhjen në mars dhe ishin të izoluar së bashku në shtëpinë e Lovatos. Në korrik, Ehrich i propozoi asaj për fejesë në Malibu.

Max Ehrich dhe Demi Lovato (Foto: Instagram)

Pas gjashtë muajsh njohje bashkë, një burim për People theksoi se ata u ndanë nga njëri-tjetri. Fotografitë e tyre së bashku janë fshirë në secilën prej llogarive në rrjetin social, Instagram.

Marrëdhënia e ish-çiftit supozohet se shkoi ‘drejt greminës’ kur Max ishte gati të fillonte filmimin e një projekti të ri në Atlanta, Georgia.

E!News raportuan më 25 shtator, duke cituar një burim.

“Ata po grindeshin shumë dhe Demi nuk donte që ai të shkonte pa të”, potencon burimi.

Sidoqoftë, me tensionin midis tyre, Lovato e la atë dhe u kthye në shtëpi në Los Angeles.

Max Ehrich dhe Demi Lovato (Foto: Instagram)

“Ajo nuk e dinte kush ishte Max me të vërtetë dhe nuk mendonte se ai kishte qëllime të mira”, tha burimi.

Burimi vuri në dukje gjithashtu se nëna e saj, Dianna De La Garza dhe miqtë e saj të ngushtë ishin të kujdesshëm për të dhe menduan se ishte ‘më mirë’ që ata të ndahen ‘tani se sa më vonë’.

Një burim i dytë, ndërkohë, tha se Lovato ‘nuk i beson atij’ dhe madje mendon se ‘ai propozoi të tërhiqte vëmendjen’.

Cilido të ishte qëllimi i tij, ajo që artistja amerikane ndjeu për të ishte e vërtetë dhe se ‘e donte atë dhe dëshironte që kjo lidhje të funksiononte’.

Ylli i muzikës pop i ka kërkuar ish-të fejuarit të saj që të mbledhë gjërat e tij nga shtëpia e saj.

Max Ehrich dhe Demi Lovato (Foto: Instagram)

Aktori i “Young and the Restless” reagoi ndaj ndarjes me një postim të ndarë në InstaStory më 27 shtator duke shkruar, “Imagjinoni të zbuloni për statusin e marrëdhënies tuaj përmes një tabloidi”.

Pavarësisht kësaj, një burim për E!News deklaroi se Lovato e informoi atë për ndarjen e tyre dhe se ai ‘thjesht po përpiqej të qëndronte i rëndësishëm’. /Telegrafi/

Max Ehrich dhe Demi Lovato (Foto: Instagram)

Showbiz

Ylli i “Gilligan’s Island”, Dawn Wells ndërron jetë në moshën 82 vjeçare

Published

on

Dawn Wells, e cila luajti Mary Ann Summer, ka ndërruar jetë në moshën 82 vjeçare.

Ajo ka vdekur të mërkurën në mëngjes në Los Angeles nga COVID-19, sipas publicistit të saj.

Aktorja ka qenë e pranishme në “Gilligan’s Island” për tre sezone me radhë, nga 1964 deri në 1967.

Foto: NBC

Për rolin e Mary Ann, ajo mundi 350 aktore të tjera, përfshirë këtu Raquel Welch.

Wells ka qenë pjesë edhe e shumë filmave të tjerë si: “Silent But Deadly”, “Return to Boggy Creek”, “The Harlem Globetrotter”, “Super Sucker”, “American Christmas” etj.

Ylli amerikan po ashtu ka qenë e martuar me Larry Rosen nga 1962 deri në 1967. /Telegrafi/

Foto: Getty Images

Continue Reading

Showbiz

Nora Istrefi me biznes të ri

Published

on

Këngëtarja e njohur shqiptare, Nora Istrefi, ka korrur ndër vite suksese të mëdha në profesionin e saj.

Ajo përmes rrjeteve sociale ka bërë të ditur se ka hapur një biznes të ri, që është krejtësisht i ndryshëm nga ajo që ka bërë.

Krijuesja e hitit “Anna” ka njoftuar fansat për një studio të re për fotografi, duke qenë se ishte dëshirë e kamotshme.

Nora Istrefi (Foto: Instagram)

Ky është postimi i plotë i artistes Nora Istrefi (pa ndërhyrje):

“Duke mare per baze qe kam perfunduar fakultetin e dizajnit te modes ,gjithemone me mu ka flejt deshira per te bere edhe dicka ma shume se muzika !

Po e nisi kete vit te ri me nje bisnes te vogel qe lidhet ngushte me fushat e mia te jetes ,perkatesisht me fotografine!

Nisur nga vetja dhe Renee, e di qe cdo nene do deshironte nje set fotografik gjate shtatzanise, te foshjnes se posalindur, me foshjen por edhe me komplet familjen !

Jam munduar dhe po mundohem te krijoj skena te bukura me ekipen time, momente te paharushme per me te dashurit tone.. Shpresoj do ju pelqej dhe do gjeni imagjinaten tuaj ne setet tona dhe projektet ne vazhdimësi”. /Telegrafi/

Continue Reading

Showbiz

Vëllai i Dua Lipës feston ditëlindjen e 15-të, këngëtarja i bën një dedikim të veçantë

Published

on

Ditën e sotme (e mërkurë) feston ditëlindjen e 15-të vëllai i këngëtares Dua Lipa, Gjin Lipa.

Artistja shqiptare me këtë rast i ka bërë një dedikim të veçantë, ku ndërkohë ka zgjedhur edhe disa imazhe të tyre të përbashkëta të realizuara ndër vitesh.

25 vjeçarja në fotografitë që zgjodhi përfshihet edhe motra e Duas, Rina Lipa, e cila vite më parë ka bërë debutimin si fashioniste.

Foto: Instagram

“Urime ditëlindjen për vëllain tim të dashur, Gjin Lipa. 15! Ju jeni më qesharaku, më i miri, më i sjellëshmi e më i kujdesshmi dhe jam shumë krenare për ty. Të dua dhe jam shumë me fat të jem motra jote”, ka thënë ajo.

Urimet për të vëllain e Lipës nuk munguan as nga fansat që numëron në rrjete sociale, duke marrë parasysh që vetëm në Instagram ka mbi 57 milionë.

Dua ndërkaq këtë vit ka qenë mjaft aktive me projekte muzikore, madje në mes të pandemisë solli albumin e dytë “Future Nostalgia”.

Albumi u prit shumë mirë dhe thuajse të gjitha këngët janë shndërruar në hite e me miliona klikime në YouTube. /Telegrafi/

Continue Reading

Trending