Connect with us

Bota

Pensilvania dhe Miçigani certifikojnë fitoren e demokratit Biden – Alsat

Published

on

Zyrtarët e zgjedhjeve në Pensilvania çertifikuan fitoren e demokratit Joe Biden.

Guvernatori i Pensilvanisë tha të martën se pas daljes së rezultatit zyrtar në këtë shtet, demokrati Biden është “fitues i garës presidenciale”.

“Sot, Departamenti i Shtetit i Pensilvanisë çertifikoi rezultatet e zgjedhjeve të 3 nëntorit për president dhe nënpresident të Shteteve të Bashkuara në Pensilvani. Siç parashikohet në ligjin federal, kam nënshkruar Çertifikatën e Konfirmimit për elektorët në favor të Joe Bidenit dhe Kamala Harrisit”, shkruante në Twitter guvernatori i shtetit, Tom Wolf.

Pensilvania, një shtet fushëbetejë me 20 vota elektorale dhe me mjaft rëndësi në zgjedhjet e 3 nëntorit, çimenton fitoren e zotit Biden.

Në këtë shtet, rezultati përfundimtar i votimit ishte 50% për demokratin Biden dhe 48.8% për Presidentin Donald Trump.

Beteja në Miçigan

Ndërkaq, në Miçigan zyrtarët e bënë çerfitikimin mbrëmë. Zoti Biden fitoi me 154,000 vota më shumë, mes përpjekjeve këmbëngulëse të Presidentit Trump për të përmbysur rezultatin e zgjedhjeve.

Bordi i Zyrtarëve të Zgjedhjeve të Shtetit, i përbërë nga dy republikanë dhe dy demokratë, konfirmoi rezultatet në një votim 3-0, me një abstenim. Aleatët e zotit Trump dhe kandidati republikan humbës për Senatin, John James e kishin nxitur panelin të vononte votimin për dy javë për të kontrolluar votat në qarkun me shumicë demokrate Wayne, që përfshin Detroitin.

Ky vendim është një tjetër pengesë në përpjekjet e Presidentit Trump për të përdorur mjete të pazakonta për të minuar rezultatet e zgjedhjeve të 3 nëntorit dhe vjen edhe pasi ai bëri përpjekje të drejtpërdrejta për të ndikuar tek zyrtarët republikanë të këtij shteti, duke i ftuar ata në Shtëpinë e Bardhë javën e kaluar.

Sipas ligjit të Miçiganit, zoti Biden siguron të 16 votat elektorale. Ai fitoi me 2.8 përqind epërsi – një diferencë më e madhe se në shtetet e tjera ku zoti Trump po konteston rezultatet si në Xhorxha, Arizona, Uiskonsin dhe Pensilvani.

Disa aleatë të Presidentit Trump kishin shprehur shpresën se ligjvënësit e shtetit mund të ndërhynin për të zgjedhur elektorë republikanë në shtetet që nuk çertifikojnë. Kjo lëvizje që nuk kishte gjasa për sukses, nuk është më e mundur në Miçigan.

Përpjekjet e zotit Trump për të shmangur pranimin e pashmangshëm zyrtar të humbjes së tij – po përballen me një rezistencë gjithnjë e më të ashpër nga gjykatat dhe republikanët, ndërsa kanë mbetur vetëm tre javë deri në mbledhjen e Kolegjit Zgjedhor për të çertifikuar fitoren e zotit Biden. Sfidat e zotit Trump dhe akuzat e pabazuara për konspiracion dhe mashtrim të përhapur janë pritur një nga një me refuzim ndërsa shtetet vazhdojnë të konfirmojnë rezultatet e tyre.

“Detyra e bordit sot është shumë e qartë,” tha Aaron Van Langevelde, nënkryetari Republikan i Bordit të Zgjedhjeve të Miçiganit. “Ne kemi detyrën t’i vërtetojmë këto zgjedhje bazuar në votat që kemi. Kjo është shumë e qartë.”

Zyra e Zgjedhjeve në Miçigan ka rekomanduar që rezultatet e 3 nëntorit të çertifikohen.

Norm Eisen, një ekspert i së drejtës kushtetuese dhe ish-këshilltar i Komisionit Juridik të Dhomës së Përfaqësuesve thotë se nuk kishte asnjë bazë ligjore për asnjë alternative tjetër përveç vërtetimit të zgjedhjeve.

“Ky është mandati i qartë i ligjit të shtetit,” tha ai. Zoti Eisen hodhi poshtë pretendime të ndryshme pse një shyrje mund të jetë e nevojshme, përfshirë nevojën për një kontroll ose kohë për të hetuar të ashtuquajturat zona “të pabalancuara”.

“Arsyet që ata kanë paraqitur për të bërë çdo gjë tjetër përveç çertifikimit, janë krejtësisht të rreme. Ata nuk kanë asnjë peshë ligjore ose faktike sipas ligjit,” shtoi Eisen.

Trump është përpjekur të sfidojë rezultatet e zgjedhjeve përmes gjykatave, por duke mos patur sukses me këtë metodë, kaloi në përpjekjet personale për të ndikuar tek ligjvënësit lokalë për t’i bindur ata që të injorojnë votën popullore dhe të emërojnë elektorë republikanë, një strategji që do t’i nxirrte amerikanë në rrugë për protesta, sipas ekspertëve të ligjit zgjedhor.

Në Pensilvani, një gjykatës konservator republikan rrëzoi përpjekjen më të madhe ligjore të fushatës Trump me një vendim të ashpër që shtronte pyetjes se për ç’arsye duhej të shfqizonte votën e 7 milionë vetëve pa prova për të mbështetur pretendimet e fushatës dhe një argument juridik që në rastin më të mirë ishte i dobët.

Por avokatët ende shpresojnë të blokojnë çertifikimin në atë shtet, duke bërë një apel në Gjykatën e Apelit të Qarkut të 3-të në Filadelfia, e cila urdhëroi avokatët të paraqisnin një kërkësë të hënën por nuk pranuan të dëgjonin argumente gojore.

Click to comment

Leave a Reply

Your email address will not be published. Required fields are marked *

Bota

G7 shton kontributin për programin global të vaksinimit – COVAX – Alsat

Published

on

Udhëheqësit e G7-ës janë zotuar të rrisin bashkëpunimin për të luftuar pandeminë dhe të shtojnë kontributin e tyre në kuadër të programit global COVAX për shpërndarjen e vaksinave kundër COVID-19. Në një deklaratë të përbashkët të lëshuar pas një samiti virtual të mbajtur të premten (19 shkurt), udhëheqësit e G7-ës shpallën zotimin për ndarjen e 7.5 miliardë dollarëve.

Vendet e pasura janë nën presion për të siguruar vaksina edhe për vendet e varfëra.

Presidenti amerikan, Joe Biden, ka premtuar 4 miliardë dollarë ndihmë në kuadër të këtij fondi. Më 2021 do të dhurohen 2 miliardë, ndërsa gjatë dy viteve të ardhshme dy miliardë të tjera. Kancelarja gjermane, Angela Merkel tha se vendi i saj do të ndajë 1.2 miliardë dollarë shtesë.

“Pandemia nuk mbaron derisa të gjithë njerëzit në botë të vaksinohen”, u tha ajo gazetarëve. Edhe Bashkimi Evropian ka premtuar se do të shtojë kontributin.

COVAX është një projekt global për blerjen dhe shpërndarjen vaksinave për së paku 20 për qind të popullatës së rrezikuar në secilin vend.

Plani është hartuar për t’iu mundësuar vendeve të varfra të arrijnë hapin në vaksinim, përballë vendeve të pasura.

Vendet e G7-ës janë Shtetet e Bashkuara, Gjermania, Japonia, Britania, Franca, Kanadaja dhe Italia.

Sipas të dhënave të Universitetit Johns Hopkins, me seli në SHBA, deri më tani, të paktën 110 milionë njerëz janë infektuar me koronavirusin e ri dhe më shumë se 2.4 milionë kanë vdekur në gjithë botën.

Continue Reading

Bota

Danimarka forcon kufizimet në kufirin gjerman – Alsat

Published

on

Danimarka do të shtrëngojë kufizimet e saj në kufirin gjerman, pas rritjes së rasteve COVID-19 në një lokalitet në kufi me mbretërinë skandinave, njoftoi sot Ministria daneze e Drejtësisë.

“Për shkak të situatës epidemiologjike në Flensburg (Gjermania veriore), qeveria ka vendosur të rrisë përpjekjet e saj në kufirin Danimarkë-Gjermani, ku policia, ndër të tjera, do të mbyllë një numër vendkalimesh kufitare dhe të kalojë përmes kontrollit të kufirit të intensifikuar në mënyrë të konsiderueshme”, tha ministria në një deklaratë, raporton ATSh.

Që nga mesnata e së shtunës (ora lokale), autoritetet do të mbyllin një duzinë postash kufitare.

Në Gjermani, me të cilën mbretëria ndan gati 70 kilometra kufij tokësorë, kryetarja e Flensburgut, Simone Lange, tregoi se të gjitha infektimet e reja të zbuluara në qytetin e saj ditët e fundit, pra 80, kanë të bëjnë me variantin B.1.1.7 të virusi, që u shfaq në Britaninë e Madhe dhe që konsiderohet të jetë më ngjitës.

Si rezultat, banorët do t’u nënshtrohen kufizimeve më të ashpra me zbatimin e një ndalimqarkullimi nate nga e shtuna, fillimisht për një javë.

Continue Reading

Bota

CNN: Të harruar nga BE, vendet e Ballkanit mbështeten në vaksinën ruse dhe kineze – Alsat

Published

on

CNN i ka kushtuar një analizë të gjatë çështjes së vaksinës dhe faktit që ende nuk është shpërndarë në shumë vende të botës, duke përfshirë këtu dhe Ballkanin Perëndimor.

Në një kohë kur Mbretëria e Bashkuar po feston se 15 milionë persona kanë marrë dozën e parë, ndërsa në BE janë shpërndarë 23 milionë vaksina, shumë vende të tjera europiane nuk kanë marrë asgjë.

Kosova, Mali i Zi dhe Bosnje Hercegovina janë ende në pritje të ngarkesave të para, ndërsa në Shqipëri dhe Maqedoninë e Veriut procesi i vaksinimit deri në këto momente ka qenë i limituar.

Vendet e Ballkanit Perëndimor konsiderohen aleatë kyçë dhe anëtarë të mundshëm në të ardhmen të Bashkimit Europian, por janë lënë jashtë nga plani i bllokut për furnizimin e menjëhershëm me vaksina.

BE ka siguruar deri në këto momente 2.3 miliardë doza vaksina dhe ka premtuar se do të ndajë disa prej tyre me vendet e tjera. Gjithashtu ka caktuar një fond prej 85 milionë dollarësh për rajonin e Ballkanit Perëndimor për të blerë vaksina në një të ardhme, por në një kohë kur shpërndarja ka qenë e ngadaltë dhe me vonesa, këto vende janë akoma në pritje.

Dhe si vende relativisht të pasura, të paktën në kontekstin global, këto vende nuk janë gjithashtu përparësi në programet e hartuara për të ndihmuar vendet më të varfra të botës.

Ato janë bërë pjesë e programit COVAX, i cili ka si qëllim të bëjë më të barabartë aksesin te vaksinat për të gjithë botën, por furnizimi i kufizuar i skemës nënkupton që fokusi i saj kryesor janë 92 vende me të ardhura të ulëta dhe të mesme që nuk mund të përballojnë vaksinat pa financim dhe vendet e Ballkanit Perëndimor nuk janë ndër ato. Si anëtare me vetëfinancim në COVAX, ato do të marrin 850,000 doza të vaksinave të ndryshme, por se kur këto mund të mbërrijnë është e ende paqartë.

Përballë një pritje të gjatë, Serbia mori kontrollin e situatës dhe kërkoi vaksinat diku tjetër. Kina dhe Rusia ishin gati të ndihmonin. Qeveria serbe deri në këto momente ka marrë nga Kina 1.5 milionë doza të vaksinës Sinopharm, duke e katapultuar vendin prej 7 milionë banorësh në krye të garës globale të vaksinimit. Sipas të dhënave zyrtarë rreth 1 milionë qytetarë janë vaksinuar kundër Covid-19 në Serbi që 19 janari, kur nisi dhe zyrtarisht vaksinimi.

Ditët e fundit, Serbia ka ndihmuar dhe disa nga vendet fqinje si Maqedonia e Veriut dhe Mali i Zi, duke iu dhënë atyre dhe disa sasi simbolike vaksinash. Ndërkohë, Bashkimi Europian ka premtuar se do ta ndihmojë rajonin me blerjen e vaksinave antiCovid, por pa dhënë detaje.

Continue Reading

Trending