Connect with us

Business

Pako e katërt ekonomike, ndihma financiare për punonjësit dhe kompanitë – ALSAT-M

Published

on


Kompanitë e prekura më së shumti nga kriza, përveç pagës minimale prej 14,500 denarë, do të marrin para nga shteti edhe për kontributet e punonjësve të tyre për tre muajt e fundit të vitit, mëson Alsat nga burime qeveritare. Para për kontributet e punonjësve deri në Vitin e Ri do të marrin kompanitë që kanë pësuar rënie më mëdha të qarkullimit. Tani për tani nuk dihen kriteret se cilat kompani do të mund ta përdorin këtë ndihmë. Ministri i Ekonomisë Kreshnik Bekteshi e konfirmoi informacionin e publikuar një ditë më parë nga Alsat se kompanitë e prekura nga kriza e koronës do të marrin 14,500 denarë në muaj deri në dhjetor. Në mbledhjen e djeshme në qeveri, nuk u pranua që kjo ndihmë të paguhet deri në mars të vitit 2021.

 Tani jemi më me përvojë në drejtim të pandemisë, natyrisht që do të ketë masa shtesë mbështetëse, përparësi do të kenë ato që janë më të goditur. Por, nuk do të doja të hyja në detaje, këtë do t’ia lë Kryeministrit, i cili menaxhon ekipin ekonomik të Qeverisë. Por, në të njëjtën kohë, ne duhet ti informojmë së pari Odat ekonomike dhe sindikatat.”-tha Kreshnik Bekteshi, ministër i Ekonomisë.

Kryeministri Zoran Zaev tashmë ka deklaruar se ekziston mundësia që kompanitë të marrin ndihmë në mënyrë graduale, dmth një shumë të fondeve do t’u jepet kompanive me 30% qarkullim të zvogëluar, pak më shumë ato me minus 40%, dhe ndihmë shumë më të lartë për ato me qarkullim të zvogëluar nga 50 dhe 60 për qind. Qëllimi është zbatimi i masave të bëhet në mënyrë të drejtë. Tashmë dihet që ndihma për qytetarët do të jetë në formën e kartelave pagesore për të inkurajuar konsumin privat. Paratë do t’u shpërndahen njerëzve të papunë joaktivë, pensionistëve me pensione deri në 15 mijë denarë, prindërve të vetëm dhe të falimentuarit.

Ile Petreski

Alsat

Click to comment

Leave a Reply

Your email address will not be published. Required fields are marked *

Business

Bie përqindja e turistëve për muajin shkurt

Published

on

Numri i turistëve për muajin shkuar ka shënuar rënie prej 41.7 për qind, ndërsa numri i qëndrimeve në hotele ka rënë me 36.8 për qind, krahasuar me të njëjtin muaj gjatë vitit të kaluar. Sipas të dhënave nga Enti Shtetëror i Statistikave, në shkurt vendi ka regjistruar 27,569 turistë ndërsa janë realizuar 60,013 akomodime.

 

Alsat

Continue Reading

Business

Bie çmimi i benzinë, çmimi i dizelit mbetet i pandryshuar

Published

on

Çmimi i benzinës nga mesnata do të lirohet për gjysmë denari, ndërsa çmimi i dizelit mbetet i pandryshuar, vendosi Komisioni Rregullator i Energjetikës.

Sipas vendimit të fundit të KRRE-së, çmimet e derivateve për litër do të jenë:

EUROPUSPER BS-95 do të shitet për 67,00 denar për litër.

EUROSUPER BS-98 do të shitet për 69,00 denarë për litër.

EURODISEL do të shitet për 58 denarë për litër.

 

Alsat

Continue Reading

Business

Gjatë marsit u rritën çmimet e konsumit, ranë vetëm çmimet e perimeve

Published

on

Për 0,4% janë rritur çmimet e konsumit gjatë muajit mars 2021 në krahasim me muajin shkurt të po të njëjtit vit.

Agjencia e Statistikave të Kosovës ka bërë të ditur se gjatë marsit të këtij viti janë rritur çmimet e këtyre produkteve: vajra dhe yndyra me 2.8%, pemë me 3.8%, pije alkoolike me 1.6%, këpucë me 3.1%, karburante dhe lubrifikantë për pajisjet e transportit personal me 4.7%.

Ndërsa, rënie e çmimeve gjatë marsit është vërejtur vetëm tek perimet me 1.5%.

Sipas, ASHK-së, norma vjetore e inflacionit, e matur në muajin mars 2021, me muajin mars 2020, ishte 1.2%.

Ndërkohë për 1.2% janë rritur çmimet e konsumit në janar të këtij viti, në krahasim me të njëjtin muaj të vitit 2020.

Alsat

Continue Reading

Trending