Connect with us

Maqedoni

Osmani: Historia të shërbejë si urë që lidh Bullgarinë dhe Maqedoninë – Alsat

Published

on

Ministri i Punëve të jashtme, Bujar Osmani sot deklaroi se vendi duhet të merr vendime të guximshme me qëllim përmbushjen e synimeve në rrugën evropiane. Sipas tij, historia duhet të shërbejë si urë dhe jo si mur mes popujve dhe shteteve të Bullgarisë dhe Maqedonisë së Veriut.

“Mendoj se për fat të keq, mos pasja e guximit që të sfidohen rrugë të reja është shndërruar në një realitet të ri në shtet dhe secili që del nga ky shablon, gjithkush që më me guxim sfidon kornizën e ndryshkur psikologjike të shoqërisë, lidhur me disa pikëpamje, shihet si diçka jo e zakonshme dhe e tmerrshme. Unë mendoj se ajo ishte kontribut që të hapen perspektiva të ndryshme lidhur me pikëpamjet parasëgjithash historia të jetë urë, dhe jo mur mes popujve dhe shteteve. Dhe prej këtu mendoj se vetëm mund të kontribuoje në këtë drejtim që historia të jetë urë dhe jo mur”, tha Osmani.

Osmani tha se nuk dëshiron të interpretojë deklaratat e kryeministrit Zoran Zaev në lidhje me kontestin me Bullgarinë.

“Unë nuk do të interpretojë deklaratat e kryeministrit, do të lejoj që ai vetë t`i interpretojë. Shpjegimi i tij është se qëndrimi i Qeverisë, nuk do të thotë qëndrim i popullit në periudha të ndryshme historike. Megjithatë nxitja e debatit…nxitja kornizës psikologjike në publik e q[ është mbuluar nga periudhat e ndryshme ideologjike gjithmonë e freskon debatin në shoqëri, mbi gjitha një shoqëri që pretendon të bëhet pjesë e Bashkimit Evropian”, tha Osmani.

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending