Connect with us

Business

Nënshkruhet “Deklarata e Tiranës”, Kosova kërkon të jetë e barabartë me shtetet tjera të rajonit

Published

on

Ministrat dhe përfaqësues të gjashtë vendeve të Ballkanit Perëndimor kanë nënshkruar “Deklaratën e Tiranës” për mbështetjen e rimëkëmbjes dhe rritjes së turizmit në rajon, në një konferencë rajonale të mbajtur sot në Tiranë.

Ngjarja e mbajtur shënon finalizimin e “Projektit për Promovimin dhe Zhvillimin e Turizmit” të Këshillit të Bashkëpunimit Rajonal (RCC), financuar nga Bashkimi Evropian.

Sipas organizatorëve, “Deklarata e Tiranës” e sheh turizmin si sektor kyç për rimëkëmbjen ekonomike rajonale, mundëson koordinimin e rihapjes dhe funksionimin e vazhdueshëm të zinxhirit të furnizimit me shërbime turistike e të udhëtimit, lehtëson udhëtimin e sigurt, me synimin që Ballkani Perëndimor të jetë destinacion i rëndësishëm turistik.

Alessandra Viezzer, zëvendësdrejtuese e Njësisë për Bashkëpunim dhe Programet Rajonale të Ballkanit Perëndimor në Komisionin Evropian, u shpreh në këtë konferencë online se BE-ja e sheh Ballkanin si partner të rëndësishëm.

Në një komunikatë për media të RCC-së, bëhet e ditur se vetëm në gjysmën e parë të vitit 2020 pati 75% rënie të numrit të vizitorëve në rang ndërkombëtar krahasuar me vitin 2019 dhe qarkullimi i të ardhurave për vitin 2020 ishte në nivelin e 35%. Kjo është një rënie e madhe për Ballkanin Perëndimor, i cili në vitin 2019 ka pasur 12 milionë vizitorë dhe një fitim prej 7.2 miliardë eurosh nga sektori turistik.

Në këtë takim, ministrja e Industrisë, Ndërmarrësisë dhe Tregtisë në Qeverinë e Kosovës, Rozeta Hajdari, ka thënë se nëse Kosova nuk konsiderohet partnere e barabartë me shtetet tjera të rajonit, iniciativat rajonale s’mund të kenë sukses.

“Ne jemi këtu për të marrë pjesë si partner i barabartë, bashkë me të gjitha vendet e Ballkanit Perëndimor. E them këtë, sepse vendi ynë nuk ka përfituar aq shumë nga iniciativat rajonale deri më tani. Por me projektin ‘Triple P’, në kuadër të RCC, Kosova ishte e barabartë në përfitim nga përkrahja e dhënë për zhvillimin e turizmit kulturor dhe turizmit të aventurës”, është shprehur ajo.

“Projekti i Turizmit – Tripple – P”, sipas organizatorëve, ka angazhuar më shumë se 100 ekspertë dhe profesionistë dhe përafërsisht 60 organizata të shoqërisë civile në nisma që i përkasin turizmit rajonal.

Alsat

Click to comment

Leave a Reply

Your email address will not be published. Required fields are marked *

Business

Bie përqindja e turistëve për muajin shkurt

Published

on

Numri i turistëve për muajin shkuar ka shënuar rënie prej 41.7 për qind, ndërsa numri i qëndrimeve në hotele ka rënë me 36.8 për qind, krahasuar me të njëjtin muaj gjatë vitit të kaluar. Sipas të dhënave nga Enti Shtetëror i Statistikave, në shkurt vendi ka regjistruar 27,569 turistë ndërsa janë realizuar 60,013 akomodime.

 

Alsat

Continue Reading

Business

Bie çmimi i benzinë, çmimi i dizelit mbetet i pandryshuar

Published

on

Çmimi i benzinës nga mesnata do të lirohet për gjysmë denari, ndërsa çmimi i dizelit mbetet i pandryshuar, vendosi Komisioni Rregullator i Energjetikës.

Sipas vendimit të fundit të KRRE-së, çmimet e derivateve për litër do të jenë:

EUROPUSPER BS-95 do të shitet për 67,00 denar për litër.

EUROSUPER BS-98 do të shitet për 69,00 denarë për litër.

EURODISEL do të shitet për 58 denarë për litër.

 

Alsat

Continue Reading

Business

Gjatë marsit u rritën çmimet e konsumit, ranë vetëm çmimet e perimeve

Published

on

Për 0,4% janë rritur çmimet e konsumit gjatë muajit mars 2021 në krahasim me muajin shkurt të po të njëjtit vit.

Agjencia e Statistikave të Kosovës ka bërë të ditur se gjatë marsit të këtij viti janë rritur çmimet e këtyre produkteve: vajra dhe yndyra me 2.8%, pemë me 3.8%, pije alkoolike me 1.6%, këpucë me 3.1%, karburante dhe lubrifikantë për pajisjet e transportit personal me 4.7%.

Ndërsa, rënie e çmimeve gjatë marsit është vërejtur vetëm tek perimet me 1.5%.

Sipas, ASHK-së, norma vjetore e inflacionit, e matur në muajin mars 2021, me muajin mars 2020, ishte 1.2%.

Ndërkohë për 1.2% janë rritur çmimet e konsumit në janar të këtij viti, në krahasim me të njëjtin muaj të vitit 2020.

Alsat

Continue Reading

Trending